قصص مغربية بالدارجة : قصة فوطوكوبي 2019 الجزء 14
ﺍﻟﺠﺰﺀ 14
ﺳﻴﺪ ﻋﻮﻳﻨﺎﺗﻮ ﻣﺠﺒﺪﻳﻦ ﻭﻛﻴﻘﻮﻟﻴﺎ ﻏﺎﺩﻱ ﻳﻌﺎﻭﻧﻲ ﺣﻴﺖ ﺑﺎﻳﻨﺎ ﻫﺎﺩ ﺯﺑﻞ ﺩﺧﻮﻳﺎ ﻗﻮﺩﻫﺎ ﺩﻳﺎﻝ ﺑﺼﺢ ﺩﻳﻚ ﻟﻴﻠﺔ ﻟﻲ ﺧﺮﺟﺖ ﺃﻧﺎ ﻣﻊ ﻣﺮﺍﺗﻮ .. ﺳﻴﺪ ﻣﺰﺍﻝ ﻛﻴﺴﻮﻝ ﻓﻴﺎ ﻭﺍﺵ ﺃﻧﺎ ﻟﻲ ﻛﻨﺖ ﻣﻊ ﺳﻴﺪﺓ ﺩﺍﻙ ﻧﻬﺎﺭ ﻭﻻ ﻻ ﻗﻠﺖ ﻟﻴﻪ ﻻ ﻣﺎﺷﻲ ﺃﻧﺎ ﻭﻫﻮ ﻳﺘﻌﺼﺐ ﻗﺎﻟﻴﺎ ﻋﺎﺭﻓﻚ ﻧﺘﺎ ﻗﻮﻟﻴﺎ ﺷﻨﻮ ﻋﺎﻃﻴﻨﻚ ﻭﺍﺵ ﻓﻠﻮﺱ ﺃﻧﺎ ﻧﻌﻄﻴﻚ ﺿﻮﺑﻞ ﻏﻴﺮ ﺷﻬﺪ ﺑﻠﻲ ﻧﺘﺎ ﻟﻲ ﻣﺸﻴﺘﻲ ﻣﻊ ﻣﺮﺍﺗﻮ ﺩﻳﻚ ﻟﻴﻠﺔ ﻟﻌﺸﺎ .. ﺑﻘﻴﺖ ﺗﻨﻘﻮﻟﻴﻪ ﻻ ﻭﺧﺎ ﻛﻴﺠﺒﺪ ﻟﻴﺎ ﺩﻟﻴﻞ ﺗﻨﻠﻘﺎ ﻟﻴﻪ ﺳﻼﻙ ﺍﻧﺎ ﻓﻠﺨﺮ ﻭﻻ ﻛﻴﻘﻮﻟﻴﺎ ﺷﻬﺪ ﺑﻠﻲ ﻧﺘﺎ ﻭﺧﺎ ﻣﺘﻜﻮﻧﺶ ﻧﺘﺎ ﻭﻏﺎﺩﻱ ﻧﻌﻄﻴﻚ ﻓﻠﻮﺱ ﻭﺃﻧﺎ ﻧﺪﻳﺮ ﻓﻴﻬﺎ ﻋﺰﺓ ﻧﻔﺴﻲ ﻗﻠﺖ ﻟﻴﻪ ﻭﻗﻒ ﻏﻴﺮ ﻭﻗﻒ ﻭﺃﻧﺎ ﻧﻨﺰﻝ ﺑﻘﺎ ﻛﻴﻐﻮﺕ ﻋﻠﻴﺎ ﺧﻠﻴﺘﻮ ﻭﺭﺟﻌﺖ ﻟﺪﺍﺭ ﺑﺰﺭﺑﺎ ﻟﻮﺍﻟﻴﺪ ﺑﻘﺎ ﺷﺎﻃﻨﻲ ﻭﻻ ﻋﻨﺪﻱ ﻫﻮ ﻟﻮﻝ ﺩﺑﺎ ﻛﻴﺒﺎﻟﻴﺎ ﺗﺎﻫﻮ ﻣﻘﻔﺮﻫﺎ ﻭﺧﺎﺻﻨﻲ ﻧﻮﻗﻒ ﻣﻌﺎﻩ .. ﻭﺻﻠﺖ ﻟﺪﺍﺭ ﻟﻘﻴﺖ ﻣﺮﺍﺗﻮ ﻛﺘﻌﻴﻂ ﻋﻠﻴﻪ ﻣﻦ ﻟﻮﻗﻴﺘﺎ ﻟﻲ ﺩﺧﻼﺕ ﻭﻣﻜﻴﺠﺎﻭﺑﻬﺎﺵ ﺗﻨﻌﻴﻂ ﻟﻴﻪ ﺗﺎﻧﺎ ﻭﺍﻟﻮ ﻣﻜﻴﺠﺎﻭﺑﺶ ﻣﺸﺎﺕ ﻟﻮﺍﻟﻴﺪﺓ ﻟﺪﺍﺭﻫﺎ ﺗﺤﺮﻛﺖ ﻣﻊ ﻣﺮﺍﺗﻮ ﻟﺪﺍﺭ ﻛﻨﺪﻕ ﻭﻫﻮ ﻳﺤﻞ ﻭﺟﻬﻮ ﻣﺪﻏﺪﻍ ﻛﻨﺴﻮﻟﻮ ﺷﻨﻮ ﻫﺎﺩﺷﻲ ﺷﻜﻮﻥ ﺩﺍﺭﻟﻚ ﻫﻜﺪﺍ ﻛﻴﻘﻮﻟﻴﺎ ﻭﺍﻟﻮ ﻏﻴﺮ ﻃﺤﺖ ﻛﻴﺰﻳﺪ ﻳﺸﻌﻠﻨﻲ ﺃﻧﺎ ﻏﺎﺩﻱ ﻧﻜﻤﻞ ﻟﻴﻪ ﺩﻳﻜﻮﺭ ﻋﺼﺒﻨﻲ ﻗﻠﺖ ﻟﻴﻪ ﺷﻮﻑ ﻏﺎﺩﻱ ﺗﻘﻮﻟﻴﺎ ﺷﻜﻮﻥ ﻭﻻ ﻏﺎﺩﻱ ﻧﻌﺮﻑ ﺃﻧﺎ ﺑﻄﺮﻳﻘﺘﻲ ﻭﺩﻳﻚ ﺳﺎﻋﺔ ﻣﻐﺎﺩﻳﺶ ﻳﻌﺠﺐ ﺩﺍﻛﺸﻲ ﻟﻲ ﻏﻨﺪﻳﺮ ﻛﻴﻘﻮﻟﻴﺎ ﺻﺎﻓﻲ ﺑﺮﺩ ﻧﺴﺎ ﻣﻮﻗﻊ ﻭﺍﻟﻮ ﻛﻴﻔﺎﺵ ﻣﻮﻗﻊ ﻭﺍﻟﻮ ﺇﻻ ﻧﺴﻴﺖ ﺻﺎﻓﻲ ﻏﻴﺮ ﻧﺤﻴﺪ ﺩﻛﺮ ﻣﻦ ﻟﻜﺎﺭﻁ ﺣﻠﻔﺖ ﻋﻠﻴﻪ ﻭﻫﻮ ﻳﺒﺪﺍ ﺩﺍﻭﻱ ﻗﺎﻟﻴﺎ ﺑﻠﻲ ﺷﻲ ﻧﺎﺱ ﻛﺎﻥ ﻣﺴﻠﻒ ﻣﻦ ﻋﻨﺪﻫﻢ ﻓﻠﻮﺱ ﻗﺎﻟﺖ ﻟﻴﻪ ﻣﺮﺍﺗﻮ ﻭﺍ ﻧﻌﻄﻴﻚ ﻓﻠﻮﺱ ﺩﻳﻬﻢ ﻟﻴﻬﻢ ﻗﺎﻟﻴﻬﺎ ﺧﻠﻲ ﻓﻠﻮﺳﻚ ﻋﻨﺪﻙ ﺃﻧﺎ ﻏﺎﺩﻱ ﻧﺤﻞ ﻟﻤﺸﻜﻞ .. ﺑﻘﻴﺖ ﻛﻨﻘﻮﻟﻴﻪ ﻳﻼﻩ ﻧﺪﻭﻳﻮ ﻣﻌﺎﻫﻢ ﻭﻧﺤﻠﻮ ﻟﻤﺸﻜﻞ ﺑﻠﻌﻘﻞ ﻗﺎﻟﻴﺎ ﻋﺎﺭﻓﻚ ﻏﻴﺮ ﻛﺘﻤﺘﻞ ﻭﻏﺎﺩﻱ ﺗﻤﺸﻲ ﺗﺠﺒﺪ ﻟﺮﺍﺳﻚ ﻣﺸﺎﻛﻞ ﻧﺎﺱ ﻛﻴﺘﺴﺎﻟﻮﻧﻲ ﺃﻧﺎ ﻓﻠﻮﺱ ﺃﻧﺎ ﻏﺎﺩﻱ ﻧﺮﺟﻌﻬﻢ ﺧﻠﻴﻚ ﺑﻌﻴﺪ .. ﺑﻘﻴﻨﺎ ﻣﻌﺎﻩ ﺣﺘﻰ ﺧﺮﺟﻨﺎ ﻏﺎﺩﻳﻦ ﻓﻄﺮﻳﻖ ﻭﻛﻴﺤﻠﻒ ﻓﻴﺎ ﻣﻨﺪﻳﺮ ﻭﺍﻟﻮ ﻭﺃﻧﺎ ﻛﻨﺤﻠﻒ ﺩﺍﻳﺮﻟﻴﻪ ﺧﺎﻃﺮﻭ ﻭﻗﻒ ﻗﺪﺍﻡ ﻭﺍﺣﺪ ﻟﻘﻬﻮﺓ ﻛﺒﻴﺮﺓ ﻗﺼﺪ ﻭﺍﺣﺪ ﻃﺎﺑﻼ ﺑﺎﺭﻛﻴﻦ ﻓﻴﻬﺎ ﺷﻲ ﺭﺟﺎﻝ ﻭﺍﺣﺪ ﻣﻨﻬﻢ ﻫﻮ ﻟﻲ ﻛﺎﻥ ﺩﺍﻙ ﻧﻬﺎﺭ ﻣﻊ ﻭﻻﺩﻭ ﻗﺪﺍﻡ ﺩﺍﺭ ﻏﻴﺮ ﻭﺻﻠﻨﻲ ﺗﻤﺎ ﻣﻌﻨﺪﻱ ﻻﺵ ﻧﺒﻘﺎ ﻧﻤﺘﻞ ﻋﻠﻴﻪ ﻟﻜﺮﺍﺳﻲ ﻟﻲ ﺗﻤﺎ ﺩﻳﺎﻝ ﻟﺤﺪﻳﺪ ﻭﻣﻐﻠﻔﻴﻦ ﺑﻠﺒﻮﻧﺞ ﻟﻤﻬﻢ ﺗﻘﺎﻝ ﺷﻮﻳﺎ ﻳﺒﺮﺩﻭ ﻟﻐﺪﺍﻳﺪ ﺩﻓﻌﺖ ﻟﻮﺍﻟﻴﺪ ﻭﺃﻧﺎ ﻧﻨﺰﻝ ﻋﻠﻰ ﻭﺍﺣﺪ ﻣﻨﻬﻢ ﺑﻜﺮﺳﻲ ﻟﻜﺘﻒ ﻭﺳﻴﺪ ﻛﺎﻥ ﻣﺮﺧﻲ ﻭﺩﺍﻳﺮ ﺭﺟﻞ ﻓﻮﻕ ﺭﺟﻞ ﻓﻠﺒﻼﺻﺔ ﺭﺍﺏ ﻣﺴﻮﻟﺘﺶ ﺷﻜﻮﻥ ﻟﻲ ﺿﺮﺑﻮ ﻏﻴﺮ ﻛﻨﺸﻴﺮ ﺭﺍﺟﻞ ﻗﺪﻱ ﻗﺪﺍﺵ ﻭﻳﺘﻌﺪﺍﻭ ﻟﻴﺎ ﻋﻠﻰ ﻟﻮﺍﻟﻴﺪ ﻭﻣﻨﺪﺧﻠﺶ ﻋﻠﻴﻬﻢ ﻟﺤﺒﺲ ﻣﻴﻤﻜﻨﺶ ﺣﻂ ﻟﻴﺎ ﻭﺍﺣﺪ ﻣﻨﻬﻢ ﻛﺮﺳﻲ ﻓﻮﺟﻬﻲ ﺣﺴﻴﺖ ﺑﺠﺒﻬﺘﻲ ﺗﺤﻼﺕ ﺩﻡ ﺳﺨﻮﻥ ﻣﻌﻘﻠﺘﺶ ﻋﻠﻰ ﺭﺍﺳﻲ ﻏﻴﺮ ﻛﻨﺸﻴﺮ ﺑﺎﻟﻜﺮﺍﺳﻲ ﻭﻃﻮﺍﺑﻞ ﻟﻮﺍﻟﻴﺪ ﻛﻴﺤﻨﻂ ﻓﻴﺎ ﺑﺎﺵ ﻳﺨﺮﺟﻨﻲ ﺷﺎﺩ ﻳﺪﻱ ﺑﺰﺯ ﺑﺎﺵ ﻣﻨﻐﻠﻄﺶ ﻓﻴﻪ ﻛﻴﺤﺴﺴﻨﻲ ﺑﻠﻲ ﻣﻌﻨﺪﻳﺶ ﻟﺤﻖ ﻧﻐﻴﺮ ﻋﻠﻴﻪ ﺯﻋﻤﺎ ﺣﻴﺖ ﻏﻴﺮ ﻣﺮﺑﻴﻨﻲ ﻣﺰﺍﻝ ﻣﻌﺮﻓﺶ ﺑﻠﻲ ﺍﻧﺎ ﻋﺎﺭﻑ ﻫﺎﺩﺷﻲ ﻟﻤﻬﻢ ﺩﺍﻙ ﻧﻬﺎﺭ ﻣﻔﺎﺳﺮﻭﻫﺎ ﻏﻴﺮ ﻟﺒﻮﻟﻴﺲ ﺑﺰﺯ ﺑﺎﺵ ﺧﺮﺟﻮﻧﻲ ﻭﻟﻜﻦ ﺧﻠﻴﺖ ﻟﺨﻮﺗﻨﺎ ﺑﺎﺵ ﻳﺘﻔﻜﺮﻭﻧﻲ ﻣﻌﻤﺮﻫﻢ ﻳﻌﺎﻭﺩﻭ ﻳﻘﺮﺑﻮ ﻟﻴﻪ ﻛﺎﻥ ﻳﺤﺴﺎﺏ ﻟﻴﻬﻢ ﻣﻌﻨﺪﻭﺵ ﻟﻲ ﻳﺠﻲ ﻣﻨﻮ ﺃﻧﺎ ﺭﺍﻩ ﻋﻨﺪﻱ ﻫﺎﻧﻴﺔ ﻟﺤﺒﺲ ﻭﺧﺎ ﻣﻌﻤﺮﻱ ﺩﺧﻠﺖ ﻟﻴﻪ ﻣﻦ ﻏﻴﺮ ﺯﻳﺎﺭﺍﺕ ﺩﺻﻐﺮ ﻟﻮﺍﻟﻴﺪ ﻭﻟﻜﻦ ﻋﻠﻰ ﻭﺩ ﻭﺍﻟﺪﻳﺎ ﻫﺎﻧﻴﺔ ﺟﻬﻨﻢ ﻧﻤﺸﻴﻮ ﻟﻴﻬﺎ ﻣﻊ ﻟﻲ ﻳﻔﻜﺮ ﻳﺘﻌﺪﺍ ﻋﻠﻴﻬﻢ .. ﻣﺸﻴﻨﺎ ﻟﺼﺒﻴﻄﺎﺭ ﻓﻄﺮﻳﻖ ﻳﺨﻴﻄﻮﻟﻲ ﻭﺍﺣﺪ ﺿﺮﺑﺔ ﻓﻮﻕ ﻟﺤﺎﺟﺐ ﻟﻴﻤﻦ ﻛﻨﺤﺲ ﺑﻴﻪ ﺗﺪﻻ ﻣﻮﺭﺍ ﺿﺮﺑﺔ ﻟﻮﺍﻟﻴﺪ ﻭﻣﺮﺍﺗﻮ ﻛﻴﻮﺻﻴﻮ ﻓﻄﺒﻴﺐ ﺑﺎﺵ ﺧﻴﻄﻠﻲ ﻣﺰﻳﺎﻥ ﻣﺠﺎﻭ ﻳﻮﺻﻠﻮﻧﻲ ﻟﻜﻮﻣﻴﺴﺎﺭﻳﺔ ﺗﺎ ﺩﻭﺭﺍﺕ ﻣﺮﺍﺗﻮ ﺗﻴﻠﻴﻔﻮﻧﺎﺕ ﻛﻨﺖ ﻋﺎﺭﻓﻬﺎ ﻣﻘﻮﺩﺍ ﻭﻋﻨﺪﻫﺎ ﻣﻌﺎﺭﻑ ﻣﻦ ﻧﻬﺎﺭ ﺩﺧﻼﺗﻨﻲ ﻟﻌﺴﻜﺮ ﻭﻟﻜﻦ ﺩﺍﻙ ﻧﻬﺎﺭ ﺻﺎﻓﻲ ﺳﻴﺪﺓ ﻣﻨﻬﺎ ﻟﻤﻮﻟﺸﻲ ﻭﺍﻗﻴﻼ ﻣﺪﻭﺯ ﻟﻴﻠﺔ ﻓﺪﺍﺭ ﺗﺎﺩﻭﻙ ﺧﻴﺎﺗﻨﺎ ﻣﺪﺍﺭﻭ ﻣﻌﺎﻳﺎ ﻭﺍﻟﻮ ﺩﺍﻛﺸﻲ ﻟﻲ ﺩﺭﺕ ﻟﻴﻬﻢ ﻭﺍﻟﻮ ﻗﺪﺍﻡ ﻟﻲ ﺩﺍﺭﻭ ﻟﻮﺍﻟﻴﺪ ﻭﻋﺎﺩ ﻣﺮﺍﺗﻮ ﻗﺎﻟﺖ ﻟﻴﻬﻢ ﺑﻠﻲ ﻏﺎﺩﻱ ﺗﻌﻄﻴﻬﻢ ﻓﻠﻮﺳﻬﻢ ﺑﻘﺎ ﻋﻠﻴﻬﺎ ﻻ ﻭ .. ﻛﺎﻧﺖ ﻏﺎﺩﻱ ﺗﺰﻳﺪ ﺗﺨﻤﺞ ﻟﻴﻪ ﻭﺟﻬﻮ ﺳﻜﺖ ﺳﻜﺖ ﺩﺑﺎ ﻧﺪﻟﻘﻢ ﻣﻚ ﺩﺑﺎ ﻛﻮﻥ ﻣﺎﺕ ﺷﻲ ﻭﺍﺣﺪ ﻓﻴﻦ ﺍﻧﻮﻟﻴﻮ .. ﻭﺧﺎ ﻣﺤﻤﻠﺘﻬﻤﺶ ﻳﺎﺧﺪﻭ ﺷﻲ ﺭﻳﺎﻝ ﻭﻟﻜﻦ ﺻﺪﺍﻉ ﺧﻴﺐ ﻣﻐﺎﺩﻱ ﻧﺮﺑﺤﻮ ﻣﻨﻮ ﻭﺍﻟﻮ ﻭﻟﻜﻦ ﺑﺮﻭﺟﻮﻻ ﺳﻴﺪﺓ ﻭﻗﻔﺎﺕ ﻣﻌﺎﻩ ﺏ ﻣﺖ ﻣﺖ ﺭﺟﻮﻻ ﻣﻌﺮﻓﺘﺶ ﻛﻴﻔﺎﺵ ﻛﻴﻄﻴﺢ ﻋﻠﻴﻬﻢ ﻫﺎﺩ ﺧﻮﻧﺎ ﻫﺎ ﻟﻮﺍﻟﻴﺪﺓ ﺷﺤﺎﻝ ﻣﻦ ﻋﺎﻡ ﻛﺘﺴﻨﺎﻩ ﻭﻫﺎﺩ ﺳﻴﺪﺓ ﺗﺎﻫﻴﺎ ﺯﻋﻤﺎ ﻏﻴﺮ ﻧﺸﺪ ﻓﻠﺒﻨﺖ ﻟﻲ ﺟﺎﺑﻠﻲ ﺑﻌﻴﻨﻴﺎ ﻣﻐﻤﻀﻴﻦ ﻫﻮ ﺭﺍﻩ ﻣﺼﺨﻮﻁ ﺯﻏﺒﻲ ﻭﻟﻜﻦ ﺩﻭﺍﻕ ﻭﻟﺪ ﻟﻌﺒﺪ ﻟﻐﺪ ﻟﻴﻪ ﻓﺎﻳﻖ ﻏﺎﺩﻱ ﻟﺨﺪﻣﺔ ﻛﻨﺖ ﻭﺍﺧﺪ ﺩﻳﻚ ﻟﻴﻮﻣﺎﻳﻦ ﺩﻟﺨﻄﺒﺔ ﻏﻴﺮ ﺑﺰﺯ ﺣﻴﺖ ﻗﺒﻞ ﻣﻨﻬﺎ ﺳﻴﻤﺎﻧﺔ ﻟﻲ ﺳﺎﻓﺮﺕ ﻓﻴﻬﺎ ﻟﻤﻬﻢ ﻣﺒﻐﺎﻭﺵ ﻳﺨﻠﻴﻮﻧﻲ ﻧﻤﺸﻲ ﻭﻟﻜﻦ ﻣﺸﻴﺖ ﺩﺭﺕ ﻓﺎﺻﻤﺎ ﺻﻐﻴﺮﺍ ﻟﻌﻴﻨﻲ ﻭﺧﺎ ﻛﺎﻣﻞ ﻣﺪﯕﺪﯓ ﺣﺘﺎﻝ ﺻﺒﺎﺡ ﻋﺎﺩ ﺣﺴﻴﺖ ﺑﻜﻞ ﺿﺮﺑﺔ ﻛﻠﻴﺘﻬﺎ ﻏﻴﺮ ﺩﺧﻠﺖ ﺑﺎﺭﻙ ﻓﻮﻕ ﻟﻜﺮﺳﻲ ﻭﻏﺎﺩﻱ ﻳﺪﻳﻨﻲ ﻧﻌﺎﺱ ﻟﺒﻴﺴﻲ ﻣﻘﺎﺩﺵ ﻧﺸﻮﻑ ﻓﻴﻪ ﺗﺎ ﺩﻗﻴﻘﺔ ﻣﻘﺎﺩﺍ ﺿﻮ ﺩﻳﺎﻟﻮ ﻛﻴﺠﻴﻨﻲ ﻗﺎﺻﺢ ﻛﻤﻠﺖ ﻧﻬﺎﺭ ﺑﺰﺯ ﻣﺸﻴﺖ ﻟﺪﺍﺭ ﺩﻟﻮﺍﻟﻴﺪ ﻟﻘﻴﺘﻮ ﺑﺎﺭﻙ ﻫﻮ ﻭﻣﺮﺍﺗﻮ ﻭﻟﻮﺍﻟﻴﺪﺓ ﺣﺎﻃﻴﻦ ﺃﺗﺎﻱ ﻭﺩﺍﻙ ﺗﺨﺮﺑﻴﻖ ﻭﻛﻴﺘﺴﻨﺎﻭﻧﻲ ﻟﻮﺍﻟﻴﺪﺓ ﺳﻤﻌﺎﺗﻨﻲ ﻣﻀﺮﻭﺏ ﺑﺎﻏﻴﺎ ﺗﺸﻮﻓﻨﻲ ﺑﺎﺭﻙ ﺣﺪﺍﻫﻢ ﻭﺩﺍﻭﻳﻦ ﻣﻌﺎﻳﺎ ﺩﻳﻚ ﺳﺎﻋﺔ ﻗﺮﺭﺕ ﻣﻌﻤﺮﻱ ﻏﺎﺩﻱ ﻧﻘﻮﻝ ﻟﻴﻬﻢ ﺑﻠﻲ ﻋﺎﺭﻑ ﺭﺍﺳﻲ ﻣﺮﺑﻲ ﺣﻴﺖ ﻣﺒﻐﻴﺘﺶ ﻫﺎﺩﺷﻲ ﻟﻲ ﺑﻴﻨﺎﺗﻨﺎ ﻳﺘﺒﺪﻝ ﻛﻤﺎ ﻛﺎﻧﻮ ﺷﺤﺎﻝ ﻫﺎﺩﻱ ﻓﻌﻴﻨﻴﺎ ﻛﻤﺎ ﺑﺎﻗﻴﻦ ﺣﺘﻰ ﺷﻲ ﺣﺎﺟﺔ ﻣﺘﺒﺪﻻﺕ ﻏﻴﺮ ﺷﺤﺎﻝ ﻫﺎﺩﻱ ﻛﺎﻧﻮ ﻣﺮﺿﻴﻨﻲ ﺑﺤﻔﻆ ﺣﻔﻆ ﻭﺩﺑﺎ ﺑﺘﺰﻭﺝ ﺗﺰﻭﺝ ﻛﻮﻥ ﻣﺎ ﻛﻨﺘﺶ ﻋﺎﺭﻑ ﺑﻠﻲ ﻋﺰﻳﺰ ﻋﻠﻴﻬﻢ ﻧﻘﻮﻝ ﺑﺎﻏﻴﻦ ﻳﺘﻬﻨﺎﻭ ﻣﻨﻲ ﻭﺍﻩ .. ﻧﻤﺮﺓ ﻟﺒﻨﺖ ﻋﻄﺎﺗﻬﺎ ﻟﻴﺎ ﻟﻮﺍﻟﻴﺪﺓ ﻭﺍﻟﻠﻪ ﻣﺎ ﺳﻴﻔﻄﺘﻠﻬﺎ ﺗﺎ ﻣﺴﺎﺝ ﺣﻴﺖ ﺗﺎﻫﻴﺎ ﻋﻨﺪﻫﺎ ﻧﻤﺮﺗﻲ ﻛﺘﺴﻨﺎﻧﻲ ﺃﻧﺎ ﻧﺰﻋﻢ ﺯﻋﻤﺎ ﺑﻘﺎﺕ ﺗﻤﺎ ﺣﺘﻰ ﻋﻴﻄﺎﺗﻠﻲ ﺳﻼﻡ ﺳﻼﻡ ﻣﻘﺎﻟﺘﺶ ﻟﻴﺎ ﻋﻼﺵ ﻣﺴﻮﻟﺘﻴﺶ ﻭﻻ ﻣﻌﻴﻄﺘﻴﺶ ﺑﻘﺎﺕ ﻛﺘﺴﻮﻝ ﻓﻴﺎ ﻛﻴﻒ ﺩﺍﻳﺮ ﻟﻮﺍﻟﻴﺪﺓ ﻗﺎﻟﺘﻠﻬﺎ ﺑﻠﻲ ﺗﻀﺮﺑﺖ ﻭﻗﺎﻟﺖ ﻟﻴﺎ ﺩﻳﻚ ﺭﺍﻩ ﻏﺪﺍ ﻏﺎﺩﻱ ﻧﺠﻲ ﺃﻧﺎ ﻭﺑﺎﺑﺎ ﻧﺸﻮﻓﻮﻙ ﺃﻧﺎ ﺗﻜﻠﺨﺖ ﻗﻠﺖ ﻟﻴﻬﺎ ﻣﻜﻴﻨﺶ ﻻﺵ ﺭﺍﻩ ﻣﺎﺷﻲ ﺷﻲ ﺣﺎﺟﺔ ﺩﻭﺭﺗﻬﺎ ﻓﺪﻣﺎﻏﻲ ﻋﺎﺩ ﺑﺎﻧﺘﻠﻴﺎ ﻣﺠﺎﺗﺶ ﺗﺎﻟﺘﻌﺎﻭﻳﺪ ﻗﻠﺖ ﻟﻴﻬﺎ ﻭﻟﻜﻦ ﻣﺮﺣﺒﺎ ﺗﺎﻧﺎ ﺗﻮﺣﺸﺖ ﻋﻤﻲ ﻭﻣﻨﻬﺎ ﻧﺸﻮﻓﻮﻛﻢ ﺑﺪﺍﺕ ﻛﺘﻀﺤﻚ ﻗﺎﻟﺖ ﻟﻴﺎ ﻭﺧﺎ ﺃﺳﻴﺪﻱ ﻏﻨﺠﻴﻮ ﺗﺸﻮﻓﻮﻧﺎ ﻗﻄﻊ ﻻ ﻗﻄﻌﻲ ﻧﺘﻲ .. ﺷﻲ 5 ﺧﻤﺴﺔ ﺩﻗﺎﻳﻖ ﻭﺣﻨﺎ ﻗﻄﻊ ﻻ ﻗﻄﻌﻲ ﻧﺘﻲ ﻣﻊ ﻟﻌﻠﻢ ﺃﻭﻝ ﻣﺮﺓ ﻧﺪﻭﻳﻮ ﻃﻠﻌﺎﺕ ﺑﺮﻫﻮﺷﺔ ﻓﻌﻘﻠﻬﺎ ﻛﺘﺮ ﻣﻨﻲ .. ﻗﻠﺖ ﻟﺪﺍﺭ ﺑﻠﻲ ﻧﺎﺱ ﻏﺎﺩﻳﻦ ﻳﺠﻴﻮ ﻏﺪﺍ ﻭﻫﺎﺩ ﻏﺪﺍ ﺟﺎ ﺑﻠﺤﺪ ﻟﻘﺎﻭﻧﻲ ﺑﺎﺭﻙ ﻭﻣﺮﺗﺎﺡ ﻓﻘﺖ ﻋﻠﻰ ﺧﺎﻃﺮﻱ ﻣﺸﻴﺖ ﺟﺒﺖ ﻟﻮﺍﻟﻴﺪﺓ ﻣﻦ ﺩﺍﺭﻫﺎ ﻫﻴﺎ ﻭﺭﺍﺟﻠﻬﺎ ﻣﺠﺎﺗﺶ ﺗﺒﻘﻰ ﺩﻳﻤﺎ ﻏﺎﺩﺍ ﺟﺎﻳﺎ ﺑﻮﺣﺪﻫﺎ ﺳﻴﺪ ﺿﺮﻳﻒ ﻣﺠﺎﺗﺶ ﻧﻘﺠﺮﻭﺍ ﻋﻠﻴﻪ .. ﻣﺸﻴﺖ ﻋﻨﺪ ﻟﺤﻼﻕ ﺩﻭﺷﺖ ﻏﻴﺮ ﺑﺮﻛﺖ ﻣﻊ ﻟﻮﺍﻟﻴﺪ ﻭﻣﺮﺍﺗﻮ ﻛﻴﻔﻜﺮﻭ ﻓﺸﻲ ﺳﻤﻴﺔ ﻟﻮﻟﺪﻫﻢ ﻭﺣﻨﺎ ﻧﺴﻤﻌﻮ ﺩﻗﺎﻥ ﻏﺎﺩﻱ ﻧﺤﻞ ﻭﺃﻧﺎ ﻣﺘﺄﻛﺪ ﻏﺎﺩﻱ ﻧﻠﻘﺎ ﻟﺒﻨﺖ ﻫﻴﺎ ﻭﺑﺎﻫﺎ ﺗﺎ ﻛﻨﻠﻘﺎ ﻟﻮﻳﻦ ﻭﺍﻗﻒ ﻋﻨﺪ ﻟﺒﺎﺏ ﻭﻋﻤﻼﻕ ﻣﺪﺭﻕ ﺷﻤﺲ ﻗﺎﻟﻴﺎ ﺳﺎﻁ ﻓﻴﻦ ﻏﺎﺑﺮ ﺳﻴﺪ ﺑﺎﻏﻲ ﻳﻘﺮﻗﺐ ﻧﺎﺏ ﻭﺟﺎﻧﻲ ﻓﻮﻗﻴﺘﺎ ﻣﺎﺷﻲ ﺗﺎﻝ ﻟﻬﻴﻪ ﻭﻟﻜﻦ ﻋﺸﻴﺮﻱ ﻫﻮ ﻟﻮﻝ ﺩﺧﻠﻨﺎ ﻟﺼﺎﻟﻮﻥ ﺑﺎﺭﻙ ﻛﻴﻨﺼﺢ ﻓﻴﺎ ﻟﺨﺒﺮﺓ ﺯﻋﻤﺎ ﻣﻌﻼﺑﺎﻟﻮﺵ ﺷﺤﺎﻝ ﺗﻜﻴﻔﺖ ﺃﻧﺎ ﻭﻣﺮﺍﺗﻮ ﻓﻮﻕ ﺳﻄﻮﺡ ﺩﻟﻔﺎﻙ .. ﻭﻫﻴﺎ ﺗﺠﻲ ﻟﺒﻨﺖ ﻭﺑﺎﻫﺎ ﺑﺮﻛﻨﺎ ﻣﺠﻤﻮﻋﻴﻦ ﺩﺭﺏ ﻭﺷﻲ ﺩﺍﻭﻱ ﻣﻊ ﺷﻲ ﺗﻘﻮﻝ ﻓﺴﻮﻳﻘﺔ ﺑﺎﺭﻙ ﺃﻧﺎ ﻭﺩﺭﻳﺔ ﺃﻧﺎ ﻛﻨﺖ ﻋﻨﻴﺒﺎ ﻓﺼﻐﺮﻱ ﻭﻟﻜﻦ ﺩﺑﺎ ﻭﻟﻴﺖ ﺣﺸﻮﻣﻲ ﻭﺑﻨﺖ ﻧﺎﺱ ﻗﺎﻟﺖ ﻟﻴﺎ ﻣﺘﺤﺸﻤﺶ ﻟﻮﺍﻟﻴﺪ ﺑﺪﺍ ﻛﻴﻌﺎﻭﺩ ﻟﻴﻬﻢ ﻋﻠﻰ ﻟﻤﻄﺎﻳﻔﺎ ﻭﻃﺒﻌﺎ ﻛﻴﺰﻳﺪ ﻣﺠﻴﻤﺮﺍﺕ ﻗﺪﺍﻡ ﺻﺎﺣﺒﻮ ﺷﻮﻓﻨﻲ ﺭﺍﻩ ﻭﺍﻟﺪ ﺭﺟﺎﻝ ﺑﺎﻫﺎ ﻭﻫﻮ ﻳﺒﺪﺍ ﺗﺎﻫﻮ ﺑﺪﻳﻚ ﻟﻬﻀﺮﺓ ﺩﻳﺎﻝ ﺩﻳﺮ ﻋﻘﻠﻚ ﻭﻣﺘﺰﺭﺑﺶ ﺑﻘﺎ ﻛﻴﻌﺎﻭﺩ ﻟﻴﺎ ﻓﺎﺵ ﺩﺧﻞ ﻟﺤﺒﺲ ﻭﻓﺎﺵ ﻣﺎﺗﺖ ﻣﺮﺍﺗﻮ ﻭﻫﻮ ﻓﻠﺤﺒﺲ .. ﺗﻐﺪﻳﻨﺎ ﻭﺣﻨﺎ ﻧﺨﺮﺟﻮ ﻛﻨﺴﺮﻛﻠﻮ ﻋﻠﻰ ﺑﺮﻯ ﺩﺭﺏ ﺩﻋﺒﺎﺩ ﺍﻟﻠﻪ ﻭﻟﻜﻦ ﺑﻌﺪﺍ ﻟﻘﻴﺖ ﻭﻗﻴﺘﺎ ﻧﺪﻭﻱ ﻣﻊ ﺩﺭﻳﺔ ﻗﻠﺖ ﻟﻴﻜﻢ ﻟﻮﺍﻟﻴﺪ ﻋﻨﺪﻭ ﺩﻭﻕ ﻣﻘﻮﺩ ﺯﻋﻤﺎ ﻛﺒﺮ ﻓﻌﻴﻨﻲ .. ﻓﻠﻌﺸﻴﺎ ﻛﻼ ﻭﻣﺸﺎ ﻟﺪﺍﺭﻭ ﻧﻴﺸﺎﻥ ﺭﺍﺟﻊ ﺃﻧﺎ ﻭﻟﻮﺍﻟﻴﺪ ﻭﻣﺮﺍﺗﻮ ﻳﻼﻩ ﺩﺧﻠﻨﺎ ﺑﺎﻏﻲ ﻧﺮﺗﺎﺡ ﻏﺪﺍ ﺧﺪﺍﻡ ﻣﺮﺍﺗﻮ ﺑﺪﺍﺕ ﻛﺘﻐﻮﺕ ﺳﻴﺪﺓ ﻏﺎﺩﻱ ﺗﻮﻟﺪ ﻟﻮﺍﻟﻴﺪ ﺑﺪﺍ ﻳﺘﺤﺮﻕ ﺑﺤﺎﻝ ﺷﻲ ﺩﺟﺎﺟﺔ ﺗﻘﻮﻝ ﻫﻮ ﻟﻲ ﻏﺎﺩﻱ ﻳﻮﻟﺪ ﺃﻣﺎ ﻫﻴﺎ ﻋﺎﺍﻗﻼ ﻋﻠﻰ ﺭﺍﺳﻬﺎ ﻛﺘﻨﻌﺘﻠﻲ ﻟﺤﻮﺍﻳﺞ ﺟﺒﺘﻬﻢ ﻋﺎﺩ ﺧﺮﺟﻨﺎ ﺃﻧﺎ ﻟﻲ ﺳﺎﻳﻖ ﻟﻮﺍﻟﻴﺪ ﻣﺎﺷﻲ ﻟﺨﺎﻃﺮﻭ ﻳﻮﻟﻲ ﻗﺎﻟﺒﻨﺎ ﻭﺻﻠﻨﺎ ﻟﻜﻠﻴﻨﻴﻚ ﺑﻘﻴﺖ ﻭﺍﻗﻒ ﺷﻮﻳﺎ ﺑﺎﻧﻮ ﻟﻴﺎ ﺗﻌﻄﻠﻮ ﻭﺃﻧﺎ ﻧﺨﺮﺝ ﻋﻠﻰ ﺑﺮﻯ ﻋﻴﻄﺖ ﻋﻠﻰ ﻟﻮﺍﻟﻴﺪﺓ ﻗﻠﺘﻬﺎ ﻟﻴﻬﺎ ﺗﺎ ﻛﻴﺒﺎﻟﻴﺎ ﻟﻮﺍﻟﻴﺪ ﺧﺎﺭﺝ ﻭﺩﻣﻮﻉ ﻓﻌﻴﻨﻴﻪ ﻣﻤﻮﺍﻟﻔﺎﺵ ﻟﻴﻪ ﻛﻨﻀﺤﻚ ﻣﻌﺎﻩ ﻗﻠﺖ ﻟﻴﻪ ﺗﺮﺟﻞ ﻭﻫﻮ ﻳﻘﻮﻟﻲ ﺑﻠﻲ ﻟﻮﻟﺪ ﻣﺎﺕ ﻛﻨﺴﻮﻟﻮ ﻭﺍﺵ ﻛﻴﻀﺤﻚ ﻭﻫﻮ ﻳﺤﻂ ﻟﻴﺎ ﻭﺍﺍﺍﺍﺣﺪ ﻟﻤﺴﻤﻨﺔ ﻗﺎﻟﻴﺎ ﻫﺎﺩﻱ ﻓﻴﻪ ﺿﺤﻚ ﺳﻴﺪ ﻣﺮﻭﻥ ﻏﻴﺮ ﺑﻮﺣﺪﻭ ﻫﺎﻭﺍ ﺻﺮﻓﻘﻨﻲ ﻫﺎﻭﺍ ﺗﻼﺡ ﻛﻴﻌﻨﻖ ﻓﻴﺎ ﻭﻛﻴﺒﻜﻲ ﺧﺮﺑﻘﻨﻲ ﻣﻌﺮﻓﺖ ﻣﺎﻧﻘﻮﻝ ﻟﻴﻪ .. ( ﻳﺘﺒﻊ 3 k)
تعليقات
إرسال تعليق