قصص مغربية بالدارجة : قصة فوطوكوبي 2019 الجزء 7 الى الجزء 9
ااجزء 7
ﻣﻮﺭﺍ ﻣﺒﺪﺍﺕ ﻟﺨﺪﻣﺔ ﻣﻊ ﺩﻳﻚ ﺷﺮﻛﺔ ﻛﻠﺸﻲ ﺗﺒﺪﻝ ﻭﻟﻴﺖ ﻛﻨﺪﻭﺯ ﻧﻬﺎﺭﻱ ﻏﻴﺮ ﻣﻊ ﺷﻜﻮﻥ ﻭﺷﻜﻮﻥ ﺑﺎﻟﻨﺴﺒﺔ ﻟﺪﺍﺭ ﺣﺘﻰ ﺣﺎﺟﺔ ﻣﺎﺗﺒﺪﻻﺕ ﺑﻘﻴﺖ ﻋﺎﻳﺶ ﻣﻊ ﻟﻮﺍﻟﻴﺪ ﻭﻣﺮﺍﺗﻮ ﻣﻮﻧﺴﻬﻢ ﻭﻣﻮﻧﺴﻴﻨﻲ ﻣﺮﺓ ﻣﺮﺓ ﻛﻨﺘﻼﻗﺎ ﺑﻠﻮﺍﻟﻴﺪﺓ ﻛﻨﺨﺮﺟﻮ ﻧﺘﻐﺪﺍﻭ ﻋﻠﻰ ﺑﺮﻯ ﻛﻨﻌﺎﻭﺩ ﻟﻴﻬﺎ ﺩﺍﻛﺸﻲ ﻟﻲ ﺩﺭﺕ ﻭﻛﻴﻔﺎﺵ ﻏﺎﺩﻱ ﻣﻊ ﻟﺨﺪﻣﺔ .. ﻟﻤﻬﻢ ﺧﻮﺗﻨﺎ ﻗﺎﺩﻭﻟﻲ ﻟﻮﺭﺍﻕ ﺷﺮﻛﺔ ﺑﺮﺍﻧﻴﺔ ﻳﻘﺪﺭﻭ ﻳﺤﺘﺎﺟﻮﻧﻲ ﻓﺸﻲ ﺑﻼﺻﺔ ﺃﺧﺮﻯ ﺩﺭﻱ ﻟﻲ ﻛﻴﺨﺪﻡ ﻣﻌﺎﻳﺎ ﻣﻤﺨﻠﻲ ﺣﺘﻰ ﺑﻼﺻﺔ ﻣﻌﺎﻫﻢ ﻭﺗﻌﺎﺷﺮﻧﺎ ﺩﻳﺎﺍﻝ ﺑﺼﺢ ﺳﻴﺪ ﺭﺟﻮﻟﺔ ﻭﺗﻴﺪﻳﺮ ﻟﻴﺎ ﻋﻘﻠﻲ ﻓﻠﺨﺪﻣﺔ ﺗﻨﺪﺧﻠﻮ ﻟﺼﺎﻝ ﻛﻴﺒﺎﻟﻴﺎ ﻫﺎﺯ ﺯﻭﺝ ﻣﻨﻲ ﻓﻮﻕ ﺻﺪﺭﻭ ﻏﻴﺮ ﺗﻴﻠﻌﺐ ﺑﻴﻬﻢ .. ﺍﻭﻝ ﻣﺮﺓ ﻧﺨﺮﺝ ﻣﻦ ﻟﺒﻼﺩ ﺧﺮﺟﻨﺎ ﺑﺰﻭﺝ ﻋﻠﻰ ﻭﺩ ﻟﺨﺪﻣﺔ ﻣﺸﻴﻨﺎ ﻟﺮﻳﻮ ﻭﻟﺒﺮﺍﻍ ﺑﺮﻟﻴﻦ ﺷﻔﺘﻬﺎ ﻏﻴﺮ ﻓﻠﻜﺘﻮﺑﺎ ﺩﻳﺎﻝ ﻟﺒﺎﻙ ﺗﺎﻭﻟﻴﺖ ﻣﺪﻭﺯ ﻓﻴﻬﺎ ﺳﻴﻤﺎﻧﺔ ﻣﺴﺮﻛﻠﻴﻦ ﻭﺍﻛﻠﻴﻦ ﺷﺎﺭﺑﻴﻦ ﻣﺨﻠﺼﻴﻦ ﺑﻐﻴﺖ ﻏﻴﺮ ﺷﻲ ﻧﻬﺎﺭ ﻳﻨﻮﺽ ﺻﺪﺍﻉ ﻭﻻ ﺗﻮﻗﻊ ﺷﻲ ﺣﺎﺟﺔ ﻓﻠﺨﺪﻣﺔ ﻭﺍﻟﻮ ﻛﻨﻮﻗﻔﻮ ﻣﻊ ﺳﻴﺪ ﻭﻻ ﺳﻴﺪﺓ ﺣﺘﻰ ﺗﻀﺮﺏ ﺳﺎﻋﺘﻨﺎ ﻭﻛﻨﻤﺸﻴﻮ .. ﺗﺎ ﻗﺎﻟﻚ ﻟﻮﻳﻦ ﻏﺎﺩﻱ ﻳﻜﻤﻞ ﺩﻳﻨﻮ ﻭﺩﺍﻛﺸﻲ ﺟﺎ ﻋﻠﻰ ﻏﻔﻠﺔ ﻗﺎﻟﻴﺎ ﺑﻠﻲ ﻛﻴﻌﺮﻑ ﻟﺒﻨﺖ ﻣﻦ ﺷﺤﺎﺍﺍﻝ ﻏﺎﺩﻱ ﻳﺪﻳﺮﻭ ﻟﺨﻄﻮﺑﺔ ﻭﻣﻮﺭﺍﻫﺎ ﻟﻌﺮﺱ ﻣﺒﻴﻨﺎﺗﻬﻢ ﻭﺍﻟﻮ ﺧﺪﺍ ﻛﻮﻧﺠﻲ ﻋﺮﺽ ﻋﻠﻴﺎ ﻧﻤﺸﻲ ﻣﻌﺎﻩ ﻧﻬﺎﺭ ﻟﺨﻄﺒﺔ ﺃﻧﺎ ﺻﺪﻣﻨﻲ ﺳﻴﺪ ﺧﻮﺗﻮ ﻭﻣﻐﺎﺩﻳﺶ ﻳﺪﻳﻬﻢ ﻏﻴﺮ ﺃﻧﺎ ﻭﻣﻮ ﻭﺧﺘﻮ ﺑﺎﻩ ﻣﻴﺖ .. ﻟﻤﻬﻢ ﻭﺧﺎ ﺃﻧﺎ ﺻﻄﻞ ﻓﺼﻮﺍﺏ ﻣﺸﻴﺖ ﻣﻌﺎﻩ ﻟﻘﺪﻳﺔ ﻓﻴﻬﺎ ﺷﻲ ﻏﺪﺍ ﻣﻌﺘﺒﺮ ﻣﻨﻘﺪﺭﺵ ﻧﻘﻮﻝ ﻻ , ﻭﺳﻴﺪ ﻏﻮﻭﻭﻝ ﻛﻨﺘﺴﻨﻰ ﻧﺸﻮﻑ ﻫﺎﺩ ﻟﻲ ﻏﻴﺘﺰﻭﺝ ﺑﻴﻬﺎ ﻏﺘﻜﻮﻥ ﺷﻲ ﻏﻮﻭﻟﺔ ﺗﺎﻫﻴﺎ ﺩﺧﻠﻨﺎ ﻋﻨﺪ ﻧﺎﺱ ﺑﻘﻴﻨﺎ ﺑﺎﺭﻛﻴﻦ ﺷﻮﻳﺎ ﻣﻮ ﻛﺘﺸﻜﺮ ﻓﻴﻪ ﻗﺎﻟﺖ ﻟﻴﻬﻢ ﻫﺎﻭﺍ ﺻﺎﺣﺒﻮ ﺧﺪﺍﻡ ﻣﻌﺎﻩ ﻫﻮ ﺳﻮﻟﻮﻩ ﻟﻮﻟﺪ ﻛﻴﺪﺍﻳﺮ ﺷﺎﻓﻮ ﻓﻴﺎ ﺟﺒﺪﻭﻭﻭﻧﻲ ﺑﺪﻳﺖ ﻛﻨﻌﺎﻭﺩ ﻟﻴﻬﻢ ﺃﻧﺎ ﻣﻌﻤﺮﻱ ﺩﻭﻳﺖ ﻣﻊ ﺷﻲ ﻭﺍﺣﺪ ﻣﻦ ﻏﻴﺮ ﻭﺍﻟﺪﻳﺎ ﻛﺘﺮ ﻣﻦ 5 ﺩﻗﺎﻳﻖ ﻭﻟﻜﻦ ﻫﺎﺩ ﻭﻟﺪ ﻧﺎﺱ .. ﺑﻘﻴﺖ ﺩﺍﻭﻱ ﺗﺎ ﺧﻮﻧﺎ ﻛﺎﻥ ﻏﺎﺩﻱ ﻳﺒﺪﺍ ﻳﺪﻣﻊ ﺗﺎ ﻛﺘﺪﺧﻞ ﻟﻌﺮﻭﺳﺔ ﻛﻨﻘﻮﻝ ﻓﻴﻦ ﺷﺎﻳﻔﻬﺎ ﻫﺎﺩ ﺑﻨﺖ ﻧﺎﺱ ﺑﺮﻛﺎﺕ ﺣﺪﺍ ﻣﻮ ﻣﻘﺎﺩﺍ ﻣﻌﺎﻧﺎ ﺑﻘﻴﺖ ﻛﻨﺪﻭﺭ ﻓﺪﻣﺎﻍ ﺗﺎ ﻋﻘﻠﺖ ﻋﻠﻴﻬﺎ ﻛﺎﻧﺖ ﻛﺘﻜﻴﻒ ﻓﻮﻕ ﻟﻴﺼﺎﻝ ﺩﻳﺎﻝ ﻟﻔﺎﻙ ﻛﺘﺸﻮﻑ ﻓﻴﺎ ﻋﺮﻓﺘﻬﺎ ﻋﺮﻓﺎﺗﻨﻲ ﻫﺮﺏ ﻟﻴﺎ ﺃﻧﺎ ﻣﺴﺨﻮﻃﺔ ﺯﻫﺮﻫﺎ ﻣﻜﻮﺯ ﻫﺎﺩ ﻟﺒﻼﺩ ﻛﻠﻬﺎ ﻣﺘﺪﻭﻱ ﻏﻴﺮ ﻣﻊ ﻋﺸﻴﺮﻱ ﺃﻧﺎ .. ﺑﻘﻴﺖ ﺳﺎﻛﺖ ﺩﺭﺕ ﺑﺮﺍﺳﻲ ﻣﻜﻨﻌﺮﻓﻬﺎﺵ ﻛﻨﻔﻜﺮ ﻧﻘﻮﻟﻬﺎ ﻟﻴﻪ ﻫﻮ ﻋﺸﻴﺮﻱ ﻭﻳﻘﺪﺭ ﻣﻴﻜﻮﻧﺶ ﻋﺎﺭﻑ ﻋﻠﻴﻬﺎ ﺩﺍﻛﺸﻲ ﻟﻲ ﻋﺮﻓﺘﻮ ﻋﻠﻴﻬﺎ ﻓﻨﻬﺎﺭ ﻭﺍﺣﺪ , ﻭﻟﻜﻦ ﻛﻴﻘﻮﻟﻴﺎ ﻭﺍﺣﺪ ﺭﺍﺱ ﻏﺎﺩﻱ ﻏﻴﺮ ﺗﺨﺮﺝ ﻟﻠﺒﻨﺖ ﻋﻠﻰ ﺭﺯﻗﻬﺎ ﺗﻘﺪﺭ ﺗﻜﻮﻥ ﺗﺒﺪﻻﺕ ﻣﻬﺎ ﺑﺎﺭﻛﺔ ﻛﺘﺸﻜﺮ ﻓﻴﻬﺎ ﺑﻨﺘﻲ ﺃﻧﺎ ﺑﻨﺘﻲ ﺃﻧﺎ .. ﺗﻔﺎﻫﻤﻮ ﻣﻊ ﺑﻌﻀﻴﺎﺗﻬﻢ ﻋﻠﻰ ﻛﻠﺸﻲ ﻛﻠﻴﻨﺎ ﺷﺮﺑﻨﺎ ﺧﺮﺟﻨﺎ ﻗﺮﺑﻮﻧﻲ ﻟﺪﺍﺭ ﻭﻣﺸﺎﻭ ﻳﻼﻩ ﺩﺧﻠﺖ ﻟﺪﺍﺭ ﻛﺘﻌﻴﻂ ﻟﻴﺎ ﺳﻴﺪﺓ ﻟﻲ ﺧﺪﺍﻣﻴﻦ ﻣﻌﺎﻫﺎ ﻗﺎﻟﺖ ﻟﻴﺎ ﻧﺪﻭﺯ ﻟﺸﺮﻛﺔ ﺩﺍﻛﺸﻲ ﻟﻲ ﺩﺭﺕ ﻏﻴﺮ ﻗﻠﺘﻬﺎ ﻟﺪﺍﺭ ﻭﺗﺤﺮﻛﺖ ﻟﻌﻨﺪﻫﺎ ﻗﺎﻟﺖ ﻟﻴﺎ ﺑﻠﻲ ﻏﺎﺩﻱ ﻧﺴﺎﻓﺮ ﻫﺎﺩ ﺳﻴﻤﺎﻧﺔ ﻟﺴﺎﻧﺘﻮﺭﻳﻨﻲ ﻗﻠﺖ ﻟﻴﻬﺎ ﺑﻠﻲ ﻋﺸﻴﺮﻱ ﻋﻨﺪﻭ ﻟﻌﺮﺱ ﻭﺧﺎﺻﻨﻲ ﻧﺤﻀﺮ ﻟﻴﻪ ﻗﺎﻟﺖ ﻟﻴﺎ ﺭﺍﻩ ﻣﻘﻠﺘﺶ ﻟﻴﻚ ﻭﺍﺵ ﺗﻘﺪﺭ ﺗﻤﺸﻲ ﻗﻠﺖ ﻟﻴﻚ ﻏﺎﺩﻱ ﺗﻤﺸﻲ .. ﺑﻘﻴﺖ ﻛﻨﺸﻮﻭﻑ ﻓﻴﻬﺎ ﺃﺻﻼ ﻫﺎﺩﺷﻲ ﻋﻼﺵ ﻣﻜﻤﻠﺘﺶ ﺧﺪﻣﺘﻲ ﻣﻊ ﺧﻮﺗﻨﺎ ﻋﺪﻭﻳﺎ ﻫﻜﺪﺍ ﻗﻠﺖ ﻟﻴﻬﺎ ﺍﻭﺍ ﺻﺎﻓﻲ ﻭﺍﻗﻴﻼ ﻟﻠﻪ ﻳﺠﻌﻞ ﻟﺒﺮﻛﺔ ﻣﻠﻲ ﻭﺻﻠﻨﺎ ﻟﻬﺎﺩﺷﻲ ﻭﻫﻴﺎ ﺗﺒﺪﺍ ﺗﻀﺤﻚ ﻗﺎﻟﺖ ﻟﻴﺎ ﻻ ﻏﻴﺮ ﻛﻨﻀﺤﻚ ﻣﻌﺎﻙ ﺭﺍﻩ ﻣﻐﺎﺩﻳﺶ ﺗﻌﻄﻞ ﻓﺎﺵ ﺗﺮﺟﻊ ﺧﻮﺩﻟﻴﻚ ﺳﻴﻤﺎﻧﺔ ﺩﻳﺎﻝ ﺭﺍﺣﺔ ﻧﺘﺎ ﻛﺎﻉ ﻭﻟﺒﻼﺻﺔ ﻟﻲ ﻏﺘﻤﺸﻲ ﻟﻴﻬﺎ ﺯﻭﻳﻴﻨﺔ ﻣﻐﺘﻨﺴﺎﺵ ﻟﻴﻚ .. ﺳﻮﻟﺘﻬﺎ ﺷﻜﻮﻥ ﻏﺎﺩﻱ ﻳﻤﺸﻲ ﻣﻌﺎﻳﺎ ﻗﺎﻟﺖ ﻟﻴﺎ ﺑﻮﺣﺪﻙ ﻫﺎﺩ ﻟﻤﺮﺓ .. ﻭﺧﺎ ﺟﺎﻧﻲ ﺩﺍﻛﺸﻲ ﻓﺸﻜﻞ ﻣﻘﻠﺖ ﻭﺍﻟﻮ . ﺭﺟﻌﺖ ﻟﺪﺍﺭ ﻗﻠﺖ ﻟﻴﻬﻢ ﺑﻠﻲ ﻏﺎﺩﻱ ﻧﺴﺎﻓﺮ ﺗﺎﻧﻲ ﻋﻴﻄﺖ ﻋﻠﻰ ﺳﻴﺪ ﻗﻠﺖ ﻟﻴﻪ ﺑﻠﻲ ﻧﻘﺪﺭ ﻣﻨﺤﻀﺮﺵ ﻟﻴﻪ ﻟﻌﺮﺱ ﻛﻌﺎ ﻓﻠﻮﻝ ﺷﻮﻳﺎ ﻭﻟﻜﻦ ﻗﺎﻟﻴﺎ ﺧﺪﻣﺘﻚ ﻫﻴﺎ ﻟﻮﻻ ﻏﻴﺮ ﺻﺒﺮ ﺣﺘﻰ ﻧﺮﺟﻊ .. ﺩﻳﻚ ﺳﻴﻤﺎﻧﺔ ﻗﺎﺩﻳﺖ ﻣﻌﺎﻫﻢ ﻟﻮﺭﺍﻕ ﻣﻮﺍﻟﻔﻴﻦ ﻳﻌﻄﻮﻧﺎ ﻋﻨﻮﺍﻥ ﺷﺮﻛﺔ ﺗﻤﺎ ﺩﻳﻚ ﻟﻤﺮﺓ ﻗﺎﻟﻮﻟﻲ ﺑﻠﻲ ﻏﺎﺩﻱ ﻧﻠﻘﺎ ﺷﻲ ﻭﺍﺣﺪ ﻳﻮﺻﻠﻨﻲ ﻟﻤﻬﻢ ﻭﺻﻞ ﻧﻬﺎﺭ ﻟﻲ ﻏﻨﻤﺸﻲ ﻓﻴﻪ ﻛﻴﻤﺎ ﺩﻳﻤﺎ ﻓﻘﺖ ﺑﻜﺮﻱ ﺩﻭﺷﺖ ﻣﺸﻴﺖ ﻟﺪﺍﺭ ﻋﻨﺪ ﻟﻮﺍﻟﻴﺪﺓ ﺷﻔﺘﻬﺎ ﻟﻤﻮﺕ ﻭﺍﻟﺤﻴﺎﺓ ﻫﺎﺩﻱ ﺭﺟﻌﺖ ﻟﺪﺍﺭ ﻋﺎﺩ ﻭﺻﻠﻮﻧﻲ ﻟﻠﻤﻄﺎﺭ ﻃﺮﻳﻖ ﻛﻠﻬﺎ ﻭﺍﻧﺎ ﻧﺎﻋﺲ ﻭﺻﻠﻨﺎ ﻟﻘﻴﺖ ﺗﻤﺎ ﻭﺍﺣﺪ ﺧﻴﺘﻲ ﺯﻋﺮﺍﺍ ﻫﺎﺯﺍ ﻭﺭﻗﺔ ﻓﻴﻬﺎ ﺳﻤﻴﺘﻲ ﺑﻘﻴﺖ ﻭﺍﺍﺍﻗﻒ ﺑﻼﺗﻲ ﻭﺍﺵ ﻫﺎﺩﻳﻚ ﺳﻤﻴﺘﻲ ﻭﻻ ﻻ ﺟﺒﺪﺕ ﻟﻮﺭﺍﻕ ﻛﻨﺘﺄﻛﺪ ﻣﻨﻬﺎ ﺗﺎ ﻭﺍﻟﻠﻪ ﺗﺎ ﻫﻴﺎ ﻣﺸﻴﺖ ﻋﻨﺪﻫﺎ ﻛﺘﺪﻭﻱ ﺑﻠﻮﻧﻐﻠﻲ ﺧﺮﺟﻨﺎ ﻟﻄﻮﻣﻮﺑﻴﻞ ﻭﺍﻗﻔﺎ ﻓﻴﻬﺎ ﺷﻴﻔﻮﺭ ﻭﺯﻭﺝ ﺩﻳﺎﻝ ﺭﺟﺎﻝ ﺑﺤﺎﻝ ﺧﺪﻣﺘﻲ ﺩﻳﻚ ﺳﺎﻋﺔ ﻋﺮﻓﺖ ﺑﻠﻲ ﻛﻴﻨﺎ ﺷﻲ ﻟﻌﺒﺔ ﺗﻤﺎ ﻓﻠﻮﺱ ﻃﺎﻛﺴﻲ ﻣﻜﺎﻧﻮﺵ ﻛﻴﻌﻄﻮﻫﺎ ﻟﻴﻨﺎ ﻭﻻﻭ ﺟﺎﻳﺒﻴﻦ ﻟﻴﺎ ﺷﻴﻔﻮﺭ ﻭﺑﻨﺎﺩﻡ ﺣﺎﺿﻴﻨﻲ ﻭﺗﻴﺘﻴﺰ .. ﻭﺻﻠﻨﺎ ﻟﻮﺍﺣﺪ ﻟﻮﻃﻴﻞ ﺗﻤﺎ ﻗﺎﻟﺖ ﻟﻴﺎ ﺩﺧﻞ ﺭﺗﺎﺡ ﻭﺑﻘﺎﻭ ﻫﻮﻣﺎ ﻭﺍﻗﻔﻴﻦ ﻟﻴﺎ ﻋﻨﺪ ﻟﺒﺎﺏ ﻭﺩﺍﺍﻧﻲ ﻧﻌﺎﺱ ﻣﻦ ﺩﻳﻚ ﻟﻴﻠﺔ ﻋﺮﻓﺖ ﺑﻠﻲ ﻣﻌﻨﺪﻳﺶ ﻟﻜﺒﺪﺓ .. ﻟﻐﺪ ﻟﻴﻪ ﻓﻘﺖ ﺩﻭﺷﺖ ﺑﺪﻟﺖ ﺣﻮﺍﻳﺠﻲ ﻗﺎﻟﺖ ﻟﻴﺎ ﻧﺨﻠﻲ ﺣﻮﺍﻳﺠﻲ ﺗﻤﺎ ﻭﻧﻤﺸﻲ ﻣﻌﺎﻫﺎ ﺩﺍﻛﺸﻲ ﻟﻲ ﺩﺭﺕ ﻓﺎﻃﺮ ﻓﻄﻮﻣﻮﺑﻴﻞ ﻓﻄﺮﻳﻖ ﻧﺰﻟﻨﺎ ﻭﺳﻂ ﻭﺍﺣﺪ ﻟﻤﺪﻳﻨﺔ ﻃﺎﻟﻌﻴﻦ ﻓﻮﺍﺣﺪ ﻟﻌﻤﺎﺭﺓ ﻭﻗﻒ ﺍﻻﺳﺎﻧﺴﻴﺮ ﺗﺤﻞ ﻟﺒﺎﺏ ﻭﺍﺣﺪ ﺳﺎﻁ ﻳﺎﺑﺎﻧﻲ ﻭﺍﻗﻒ ﻛﻴﺘﺴﻨﺎﻧﺎ ﻣﺪﻟﻴﺎ ﻳﺪﻭ ﺳﻠﻤﺖ ﻋﻠﻴﻪ ﻏﺎﺩﻳﻦ ﻭﺳﻂ ﻟﺒﻴﺮﻭﻳﺎﺕ ﻛﻠﺸﻲ ﻛﻴﺸﻮﻑ ﻓﻴﺎ ﺩﺧﻠﻨﺎ ﻟﺒﻴﺮﻭ ﺩﻳﺎﻟﻮ ﺳﺪ ﺭﻳﺪﻭ ﺑﻘﻴﺖ ﺃﻧﺎ ﻭﻫﻮ ﻭﺩﻳﻚ ﺧﻴﺘﻲ ﺣﻂ ﻟﻴﺎ ﻛﺮﺳﻲ ﻭﺳﻂ ﺩﺍﻙ ﻟﺒﻴﺖ ﻭﻫﻮﻣﺎ ﺑﺎﺭﻛﻴﻦ ﻋﻠﻰ ﻟﺒﻴﺮﻭ ﻛﻴﺸﻮﻓﻮ ﻓﻴﺎ ﺳﻮﻟﻨﻲ ﻭﺍﺵ ﻋﺎﺭﻑ ﻋﻼﺵ ﺃﻧﺎ ﺗﻤﺎ ﻳﻼﻩ ﻏﻨﺒﺪﺍ ﻧﺒﻜﻲ ﻣﻀﻠﻮﻭﻭﻭﻡ ﺃﻧﺎ ﻭﺣﻖ ﺍﻟﻠﻪ ﻭﻫﻮ ﻳﺘﺒﻌﻬﺎ ﻃﺒﻌﺎ ﻏﺘﻜﻮﻥ ﻣﻌﺎﺭﻓﺶ ﺣﻞ ﻭﺍﺣﺪ ﻟﺒﺎﺏ ﺟﺮ ﻣﻨﻮ ﺻﺒﻮﺭﺓ ﻣﻌﻠﻖ ﻓﻴﻬﺎ ﺗﺼﺎﻭﺭ ﻭ ﻭﺭﺍﻕ ﻗﺎﻟﻴﺎ ﻫﺎ ﻋﻼﺵ ﻭﻗﻔﺖ ﻗﺮﺑﺖ ﻟﻴﻬﺎ ﻟﻘﻴﺖ ﺗﺼﺎﻭﺭ ﺩﻳﺎﻝ ﻭﺍﺣﺪ ﺳﺎﻁ ﻗﺮﻳﻴﻴﺐ ﻟﻴﺎ ﻓﺸﻜﻞ ﻏﻴﺮ ﺃﻧﺎ ﺷﻌﺮﻱ ﻗﺼﻴﺮ ﻭﺳﻤﺮ ﻫﻮ ﺑﻴﺾ ﺷﻮﻳﺎ ﻣﻔﻬﻤﺘﺶ ﻭﺍﺵ ﺟﺎﻳﺒﻴﻨﻲ ﺑﺎﺵ ﻳﻮﺭﻳﻮﻧﻲ ﻭﺍﺣﺪ ﻣﻦ 40 ﻟﻲ ﻛﻴﺸﺒﻬﻮﻟﻲ ﻭﻻ ﻛﻴﻔﺎﺵ ﻛﻨﺸﻮﻑ ﻓﺪﺍﻙ ﻃﺎﺑﻠﻮ ﺧﻮﺗﻨﺎ ﻣﻌﻠﻘﻴﻦ ﺷﻴﻜﺎﺕ ﻭﺗﺼﺎﻭﺭ ﻭﺧﺮﻳﻄﺔ ﻋﺎﻣﺮﺍ ﺧﻴﻮﻁ ﺯﻋﻤﺎ ﻓﻴﻦ ﻛﻴﻤﺸﻲ ﻭﻳﺠﻲ ﺩﺍﻛﺸﻲ ﻛﻨﺸﻮﻓﻮ ﻏﻴﺮ ﻓﺎﻷﻓﻼﻡ ﻗﻠﺖ ﻟﻴﻬﻢ ﻣﻔﻬﻤﺖ ﻭﺍﻟﻮ ﻗﺎﻟﻴﺎ ﻣﻌﻨﺪﻙ ﻣﺎ ﺗﻔﻬﻢ ﻋﻨﺪﻱ ﻟﻴﻚ ﺧﺪﻣﺔ ﺻﻐﻴﺮﺓ ﻭﺍﺣﺪ ﻟﻮﻃﻴﻞ ﻏﺎﺩﻱ ﺗﺪﺧﻞ ﻟﻴﻪ ﻋﻠﻰ ﺃﺳﺎﺱ ﻧﺘﺎ ﻫﻮ ﻫﺪﺍ ﻏﺎﺩﻱ ﺗﺤﻞ ﺻﻨﺪﻭﻕ ﺩﻳﺎﻟﻮ ﺗﻤﺎ ﺗﻬﺰ ﺷﻲ ﻭﺭﺍﻕ ﻭ (USB) ﻭﻏﺎﺩﻱ ﺗﺤﺮﺝ ﺗﺮﺟﻊ ﻣﻨﻴﻦ ﺟﻴﺘﻲ ﻭﻃﺒﻌﺎ ﻏﺎﺩﻱ ﺗﻜﺎﻓﺊ ﻋﻠﻰ ﻫﺎﺩﺷﻲ ﻧﻘﺪﺭ ﻧﺪﻭﻱ ﻣﻊ ﺷﺮﻛﺔ ﻟﻲ ﺧﺪﺍﻡ ﻣﻌﺎﻫﺎ ﺑﺎﺵ ﻳﻌﻄﻮﻙ ﺗﺮﻗﻴﺔ ﻓﺎﺵ ﺗﺮﺟﻊ ﻏﺎﺩﻱ ﻳﻮﻟﻲ ﻋﻨﺪﻙ ﺑﻴﺮﻭ ﻭ ﺗﺴﺘﻘﺮ ﻭﺗﺪﻳﺮ ﻭﻻﺩ ﻭﻛﺮﺵ ﺷﺒﺎﻟﻴﻚ؟ ﺑﻘﻴﺖ ﻛﻨﺸﻮﻑ ﻓﻴﻪ ﻭﺍﺵ ﻛﺘﻀﺤﻚ ﺃﻩ ﺳﻴﺪ ﻛﻴﺸﺒﻪ ﻟﻴﺎ ﺷﻮﻳﺎ ﻭﻟﻜﻦ ﺻﻮﺕ ﻣﺴﺘﺤﻴﻴﻞ ﻭﺃﻧﺎ ﻣﻜﻨﺪﻭﻳﺶ ﺑﻠﻴﻮﻧﺎﻧﻴﺔ ﻟﻮﻧﻐﻠﻲ ﻭﺑﺰﺯ ﻋﺎﺩ ﻛﻴﻦ ﻟﻔﺮﻕ ﻓﺸﻜﻞ .. ﻗﺎﻟﻴﺎ ﻫﺎﺩﺷﻲ ﻛﺎﺍﻣﻞ ﺧﻠﻴﻨﻲ ﺃﻧﺎ ﻧﺘﻜﻠﻒ ﺑﻴﻪ ﺷﺎﻑ ﻓﺴﻴﺪﺓ ﻟﻲ ﻣﻌﺎﻩ ﻗﺎﻟﻴﻬﺎ ﺩﻳﺮﻱ ﺧﺪﻣﺘﻚ ﻭﻫﻴﺎ ﺗﺪﻓﻊ ﻭﺍﺣﺪ ﻃﺎﺑﻼ ﺣﺪﺍﻳﺎ ﺣﻄﺎﺕ ﻓﻮﻗﻬﺎ ﺻﺎﻛﻬﺎ ﺑﺪﺍﺕ ﻛﺘﺠﺒﺪ ﺩﺍﻛﺸﻲ ﺩﻟﻤﺎﻛﻴﺎﺝ ﺃﻧﺎ ﻣﻔﻬﻤﺖ ﻭﺍﻟﻮ ﻗﺎﻟﺖ ﻟﻴﺎ ﻏﻤﺾ ﻋﻴﻨﻴﻚ ﻭﻣﺘﺤﺮﻛﺶ ﺩﺍﻛﺸﻲ ﻟﻲ ﺩﺭﺕ ﺑﻘﻴﺖ ﻫﻜﺪﺍﻙ ﻋﻨﻘﻲ ﻛﺎﻥ ﻏﺎﺩﻱ ﻳﻄﺮﻃﻖ ﺣﺘﻰ ﻗﺎﻟﺖ ﻟﻴﺎ ﺣﻞ ﻋﻴﻨﻴﻚ ﺟﺎﺑﺖ ﻟﻴﺎ ﻣﺮﺍﻳﺎ ﺻﺎﻓﻲ ﻭﻟﻴﺖ ﻓﻮﻃﻮﻛﻮﺑﻲ ﺩﻳﺎﻝ ﺧﻮﻧﺎ ﻣﻮ ﻭﻣﻐﺎﺩﻳﺶ ﺗﻌﺮﻑ ﺷﻜﻮﻥ ﻟﻲ ﻭﻟﺪﻫﺎ ﻭﻗﻔﺖ ﻛﻨﺸﻮﻑ ﻓﺘﺼﺎﻭﺭ ﻗﻠﺖ ﻟﻴﻪ ﺑﻠﻲ ﺳﻴﺪ ﺿﻌﻴﻒ ﻋﻠﻴﺎ ﻗﺎﻟﻴﺎ ﻋﻨﺪﻧﺎ ﺣﻞ ﻓﻜﺮﺗﻮ ﻓﺎﻟﻘﺪﻳﺔ ﺩﻳﺎﻝ ﺻﻮﺕ ﻭﻟﻐﺔ ﻗﺎﻟﻴﺎ ﻣﻐﺎﺩﻳﺶ ﺗﺤﺘﺎﺝ ﺗﻬﻀﺮ ﻛﺎﻉ ﺑﻘﻴﺖ ﻛﻨﺸﻮﻑ ﻗﻠﺖ ﻟﻴﻪ ﻭﺍﺵ ﺗﺄﻛﺪ ﻟﻴﺎ ﻋﻠﻰ ﺗﺮﻗﻴﺔ ﻗﺎﻟﻴﺎ ﻛﻮﻥ ﻣﺘﺄﻛﺪ .. ﻛﻴﻒ ﻗﻠﺖ ﻟﻴﻪ ﺃﻩ ﻭﻫﻮ ﻳﻌﻨﻘﻨﻲ ﺳﻴﺪ ﻏﻴﻄﻴﺮ ﻣﻦ ﻟﻔﺮﺣﺔ ﻗﺎﻝ ﻟﺴﻴﺪﺓ ﻟﻲ ﻣﻌﺎﻩ ﻧﺘﻲ ﺗﻜﻠﻔﻲ ﺑﺸﻜﻞ ﻋﻨﺪﻧﺎ ﺑﺰﺍﺍﺍﻑ ﺩﻟﺨﺪﻣﺔ ﻭﻟﻮﻗﺖ ﻣﻜﻴﻨﺶ .. ﺃﻧﺎ ﻏﻨﻄﻴﻴﺮ ﺑﺎﻟﻔﺮﺣﺔ ﻷﺩﺭﻳﻨﺎﻟﻴﻦ ﺧﻮﻛﻢ ﻣﺄﺗﺮﻳﻴﻴﻦ ﻋﻠﻴﻪ ﺍﻷﻓﻼﻡ ﺩﻳﺎﻝ (mission impossible) ﺭﺟﻌﻮﻧﻲ ﻟﻮﻃﻴﻞ ﻟﻲ ﻛﻨﺖ ﻓﻴﻪ ﺩﻳﻚ ﺧﻴﺘﻲ ﺟﺎﺑﺖ ﻣﻌﺎﻫﺎ ﻭﺍﺣﺪ ﺧﻴﺘﻲ ﻋﻤﻼﺍﻗﺔ ﻭﻛﻠﻬﺎ ﻭﺷﺎﻣﺎﺕ ﻭﻃﻮﺍﻧﻎ ﺧﻮﻧﺎ ﻭﺍﺷﻢ ﺳﻤﻴﺖ ﺑﻨﺘﻮ ﻓﻴﺪﻭ ﻭﻛﺘﺒﺎﻥ ﺳﻮ ﺗﺎﻧﺎ ﺧﺎﺻﻨﻲ ﻧﺪﻳﺮﻫﺎ ﻗﺎﻟﺘﻠﻲ ﺑﻠﻲ ﻏﺎﺩﻱ ﺗﺤﻴﺪﻫﺎ ﻟﻴﺎ ﻣﻠﻲ ﻏﺎﺩﻱ ﻧﺴﺎﻟﻴﻮ .. ﺩﻳﻚ ﺳﺎﻋﺔ ﻣﺒﻘﺎﺵ ﺭﺟﻮﻉ ﻭﻻﻭ ﻣﻘﺎﺑﻠﻴﻨﻲ ﺑﺤﺎﻝ ﺷﻲ ﻭﻟﺪ ﺻﻐﻴﺮ ﻭﻟﻴﺖ ﻛﻨﻌﺲ ﻭﻓﻮﺟﻬﻲ ﺗﺨﻠﻴﻄﺖ ﺍﻟﻠﻪ ﺑﻮﺣﺪﻭ ﻟﻲ ﻋﺎﺭﻑ ﺷﻨﻮ ﻓﻴﻬﺎ ﻟﻮﻳﻦ ﻋﻨﺪﻱ ﺗﻘﺎﺩ ﻣﻊ ﺩﻳﺎﻝ ﺧﻮﻧﺎ ﺣﺎﺿﻴﻨﻮ ﻛﻞ ﻧﻬﺎﺭ ﻛﻴﺠﻴﺒﻮ ﺗﺼﺎﻭﺭ ﺩﻳﺎﻟﻮ ﺩﻳﻚ ﻟﻮﻗﻴﺘﺎ ﻣﺪﻭﻳﺘﺶ ﻣﻊ ﺩﺍﺭ ﺃﺻﻼ ﻣﻌﻨﺪﻳﺶ ﻟﻮﻗﺖ ﺩﺍﻙ ﻟﻮﻃﻴﻞ ﺗﺮﻭﻥ ﻏﻴﺮ ﺑﺨﻮﺗﻨﺎ ﻃﺎﻟﻌﻴﻦ ﻧﺎﺯﻟﻴﻦ ﻋﻨﺪﻱ ﻣﺨﻼﻭﺵ ﺷﻲ ﺣﺎﺟﺔ ﻣﺨﺪﻣﻮﺵ ﻣﻌﺎﻳﺎ ﻋﻠﻴﻬﺎ ﻛﻴﻔﺎﺵ ﻧﺪﻭﻱ ﻭﻛﻠﺸﻲ ﻭﺻﻼﺕ ﻟﻴﻠﺔ ﻟﻤﻌﻠﻮﻣﺔ ﺧﻮﻧﺎ ﺩﻳﻤﺎ ﻛﻴﺪﻭﺯﻫﺎ ﻓﺪﺍﻙ ﻟﻮﻃﻴﻞ ﻟﺒﺴﺖ ﺑﺤﺎﻝ ﻟﺤﻮﺍﻳﺞ ﺩﻳﺎﻟﻮ ﺟﺎﻳﺒﻴﻦ ﻧﻔﺲ ﻃﻮﻣﻮﺑﻴﻞ ﺩﻳﺎﻟﻮ ﺧﻮﺗﻨﺎ ﻣﺨﻤﻤﻴﻦ ﻓﻜﻠﺸﻲ ﻏﻴﺮ ﻳﺨﺮﺝ ﻫﻮ ﻧﺮﺟﻊ ﺃﻧﺎ ﺑﺤﺎﻻ ﻧﺎﺳﻲ ﺷﻲ ﺣﺎﺟﺔ .. ﻣﺸﺪﺍﺗﻨﻴﺶ ﻟﺨﻠﻌﺔ ﺣﺘﺎﻝ ﺩﻳﻚ ﺩﻗﻴﻘﺔ ﻛﻨﺤﺲ ﺑﻘﻠﺒﻲ ﻏﺎﺩﻱ ﻳﺨﺮﺝ .. ﺳﺎﻁ ﻭﻫﻮ ﻳﻤﺸﻲ ﺗﺤﺮﻙ ﺑﻴﺎ ﺷﻴﻔﻮﺭ ﻟﺘﻤﺎ ﻟﻜﻴﺖ ﻓﻮﺩﻧﻲ ﺧﻮﺗﻨﺎ ﺑﺤﺎﻻ ﻣﻌﺎﻳﺎ ﻭﺻﻠﺖ ﻟﺒﺎﺏ ﻣﻘﺪﻳﺘﺶ ﻧﻨﺰﻝ ﻟﺨﻠﻌﺔ ﺟﻤﻌﺖ ﺩﻳﻚ ﺷﻮﻳﺎ ﺩﻳﺎﻝ ﺷﺠﺎﻋﺔ ﻟﻲ ﻣﺰﺍﻝ ﻋﻨﺪﻱ ﻭﻧﺰﻟﺖ ﺩﺍﻙ ﻟﻮﻃﻴﻞ ﻋﺎﺍﻣﺮ ﺳﻴﻜﻴﺮﻳﺘﻲ ﺣﻴﺖ ﺃﺻﻼ ﻛﻴﺒﺮﻙ ﻓﻴﻪ ﻏﻴﺮ ﺷﻜﻮﻥ ﻭﺷﻜﻮﻥ ﺩﺍﺧﻞ ﻣﻮﻗﻔﻨﻲ ﺣﺘﻰ ﻭﺍﺣﺪ ﻛﻴﻨﻌﺘﻮﻟﻲ ﺩﻭﻙ ﺻﻨﺎﺩﻕ ﻓﻴﻦ ﻛﻴﻨﻴﻦ ﻭﺻﻠﺖ ﺗﻤﺎ ﻭﺍﻗﻔﺎ ﺣﺪﺍﻫﻢ ﻭﺍﺣﺪ ﻟﻤﻴﻤﺔ ﺷﺎﻓﺖ ﻓﻴﺎ ﺗﺒﺴﻤﺖ ﻟﻴﻬﺎ ﻭﻫﻴﺎ ﺗﺤﻨﻲ ﺭﺍﺳﻬﺎ ﺟﺒﺪﺕ ﺳﺎﺭﻭﺕ ﻟﻲ ﻋﻄﺎﻭﻧﻲ ﺩﺧﻠﺘﻮ ﻣﺒﻐﺎﺵ ﻳﺤﻞ ﺗﺨﻮﻳﺮﺓ ﺳﺎﻧﻚ ﺳﺎﻧﻚ ﺑﻘﻴﺖ ﻭﺍﻗﻒ ﺗﻤﺎ ﺳﻴﺪﺓ ﻭﻫﻴﺎ ﺗﺒﻘﻰ ﺗﺸﻮﻭﻑ ﻓﻴﺎ ﺃﻧﺎ ﻛﻨﺖ ﻏﻨﺨﺼﺮ ﺣﻮﻳﺠﻲ ﻭﻫﻴﺎ ﺗﻘﺼﺪﻧﻲ ﺑﺪﺍﺕ ﺩﺍﻭﻳﺎ ﺣﺴﻴﺖ ﺑﻴﻬﺎ ﻛﺘﺸﺮﺡ ﻟﻴﺎ ﺷﻲ ﺣﺎﺟﺔ ﻣﻬﻤﺔ ﻭﺧﺎ ﻣﻔﻬﻤﺖ ﺣﺘﻰ ﻛﻠﻤﺔ ﻣﻦ ﺩﺍﻛﺸﻲ ﻟﻲ ﻛﺘﻘﻮﻝ .. ( ﻳﺘﺒﻊ 3 k)
ﺍﻟﺠﺰﺀ 9
ﻣﻜﻨﺘﺶ ﻛﻨﺘﺨﺎﻳﻞ ﻧﻌﺎﻭﺩ ﻧﺘﻼﻗﺎ ﺑﻬﺎﺩ ﺳﻴﺪ ﺗﺎﻧﻲ ﺗﺎ ﻭﻻ ﺑﺎﺭﻙ ﻓﺼﺎﻟﻮﻥ ﺩﻳﺎﻟﻲ ﻭﺗﻴﺸﺮﺏ ﻓﻤﻮﻧﺎﺿﺎ ﻣﻌﺮﻓﺘﺶ ﺷﻨﻮ ﻧﻘﻮﻝ ﻭﺳﻴﺪ ﻏﻴﺮ ﺳﺎﻛﺖ ﻗﻠﺖ ﻟﻴﻪ ﺳﻤﺤﻠﻲ ﻋﻠﻰ ﺩﺍﻙ ﻧﻬﺎﺭ ﺃﻧﺎ ﻣﻠﻴﺎ ﻭﺍﻟﻮ ﻓﺪﺍﻛﺸﻲ ﻫﻮﻣﺎ ﺩﺍﻭﻧﻲ ﻣﻦ ﻟﺨﺪﻣﺔ ﻓﺎﺵ ﺷﺎﻓﻮﻧﻲ ﻛﻨﺸﺒﻪ ﻟﻴﻚ .. ﻭﻫﻮ ﻳﻬﺰ ﻳﺪﻭ ﺯﻋﻤﺎ ﺻﺎﻓﻲ ﺻﺎﻓﻲ ﻗﺎﻟﻴﺎ ﻣﺠﻴﺘﺶ ﻋﻠﻰ ﻭﺩ ﻫﺎﺩﺷﻲ ﻭﺭﺍﻗﻴﺎ ﺭﺟﻌﻮ ﺩﻳﻚ ﺳﺎﻋﺔ ﻣﺘﺨﺎﻓﺶ ﻣﺪﻭﻳﺘﺶ ﻣﻊ ﻟﺒﻮﻟﻴﺲ ﺩﻳﻚ ﻟﻴﻠﺔ ﺳﻮ ﻣﻐﺎﺩﻳﺶ ﻧﺠﻲ ﺗﺎﻝ ﺩﺑﺎ ﻭﻧﻌﻴﻂ ﻟﻴﻬﻢ ﻓﺨﺒﺎﺭﻙ ﺑﻨﺘﻲ ﻭﻟﻴﺖ ﺧﺎﺳﺮ ﻋﻠﻴﻬﺎ ﻓﻠﻮﺱ ﺩﻳﺎﻝ ﻃﺒﻴﺐ ﻧﻔﺴﺎﻧﻲ ﻛﺘﻌﺎﻭﺩ ﻟﺪﺭﺍﺭﻱ ﻟﻲ ﻛﻴﻘﺮﺍﻭ ﻣﻌﺎﻫﺎ ﻋﻠﻰ ﺭﻭﺑﻮ ﻣﻦ ﻟﻤﺴﺘﻘﺒﻞ ﻟﻲ ﻛﻴﺸﺒﻪ ﻟﺒﺎﻫﺎ ﻭﺟﺎﻱ ﺑﺎﺵ ﻳﻘﺘﻠﻮ .. ﻣﻘﺪﻳﺘﺶ ﻧﺤﺒﺲ ﺿﺤﻜﺔ ﻳﺎﺍﺍ ﺧﺘﻲ ﺩﺭﺍﺭﻱ ﻋﻨﺪﻫﻢ ﺯﻭﻳﻨﻴﻦ ﺣﺘﻰ ﻓﻠﺨﻴﺎﻝ ﺩﻳﺎﻟﻬﻢ ﻟﺒﺮﺍﻫﺶ ﻋﻨﺪﻧﺎ ﺇﻻ ﻣﺸﺎ ﺑﻌﻴﻴﻴﺪ ﻏﺎﺩﻱ ﻳﻘﻮﻟﻚ ﺣﻤﺎﺭ ﻟﻴﻞ .. ﺑﻘﻴﻨﺎ ﺩﺍﻭﻳﻦ ﻭﻛﻨﺸﻮﻓﻮ ﻓﺒﻌﻀﻴﺎﺗﻨﺎ ( ﻭﺍﻟﻠﻪ ﻣﺎ ﻣﻨﻬﻢ ) ﻭﻟﻜﻦ ﺳﻴﺪ ﻛﻴﺸﺒﻬﻠﻲ ﺩﻳﺎﺍﻝ ﺑﺼﺢ ﻗﺎﻟﻴﺎ ﻭﺍﺵ ﺗﻘﺪﺭ ﺗﺴﺎﻓﺮ ﻣﺮﺓ ﺃﺧﺮﻯ ﻟﺘﻤﺎ ﺳﻮﻟﺘﻮ ﻋﻼﺵ ﻗﺎﻟﻴﺎ ﺑﻠﻲ ﻃﺒﻴﺐ ﻗﺎﻟﻴﻪ ﺑﻨﺘﻮ ﺧﺎﺹ ﺗﺸﻮﻓﻨﺎ ﺑﺰﻭﺝ .. ﺑﻘﻴﺖ ﻛﻨﺸﻮﻭﻑ ﻓﻴﻪ ﺍﻭﻳﻠﻲ ﻋﻠﻰ ﺗﺒﻌﻜﻴﻚ ﻭﻗﻠﺔ ﻟﻌﺼﺎ .. ﺑﻘﺎ ﻋﻠﻴﺎ ﻏﺎﺩﻱ ﻧﺨﻠﺺ ﻟﻴﻚ ﻛﻠﺸﻲ ﻭ .. ﻗﻠﺖ ﻟﻴﻪ ﻣﻤﺤﺘﺎﺟﺶ ﻗﺮﻳﺐ ﻧﺸﺪ ﻛﻮﻧﺠﻲ ﻭﻏﺎﺩﻱ ﻧﺠﻲ ﻋﻠﻰ ﺣﺴﺎﺑﻲ ﺃﺻﻼ ﻋﺠﺒﻨﻲ ﻟﺠﻮ ﺗﻤﺎ .. ﺳﻮﻟﺘﻮ ﻭﺍﺵ ﻋﻨﺪﻭ ﻓﻴﻦ ﻳﺒﺎﺕ ﺯﻋﻤﺎ ﺑﺎﺵ ﻳﻔﻬﻢ ﺭﺍﺳﻮ ﻭﻳﻐﻴﺮﻫﺎ ﺭﺍﻩ ﺗﻌﻄﻞ ﻟﻮﻗﺖ ﻗﺎﻟﻴﺎ ﺃﻩ ﺃﻭﻃﻴﻞ ﻗﺮﻳﺐ ﻟﻠﻤﻄﺎﺭ ﻏﺪﺍ ﻏﺎﺩﻱ ﻧﺴﺎﻓﺮ ﺑﻜﺮﻳﻲ . ﻧﺎﺽ ﻣﺪﻳﺖ ﻳﺪﻱ ﻭﻫﻮ ﻳﻌﻨﻘﻨﻲ ﻋﻄﺎﻧﻲ ﻛﺎﺭﻃﺔ ﻓﻴﻬﺎ ﻧﻤﺮﺗﻮ ﻗﺎﻟﻴﺎ ﻫﺎﺩﻱ ﺗﺎ ﺇﻻ ﻧﺴﻴﺘﻲ ﻋﻠﻰ ﺩﺍﺭ ﺭﺍﻙ ﻋﺎﺭﻓﻬﺎ ﻭﺧﺮﺝ ﺩﺧﻠﺖ ﻟﻜﻮﺯﻳﻨﺔ ﺑﻘﻴﺖ ﻛﻨﻀﺮﺏ ﻓﺪﺟﺎﺝ ﻋﻠﻰ ﻏﺪﺍﻳﺪ ﻫﺎﺩﺷﻲ ﻟﻲ ﻓﻴﻪ ﻗﺎﻟﻮ ﻟﻴﺎ ﺑﻠﻲ ﻣﻐﺎﺩﻱ ﻳﻮﻗﻊ ﻭﺍﻟﻮ ﺳﻴﺪ ﻭﻻ ﺟﺎﻱ ﺗﺎﻝ ﺩﺍﺭﻱ ﻭﻗﺎﻟﻴﺎ ﺑﻠﻲ ﺭﺟﻊ ﻭﺭﺍﻗﻴﻪ ﻳﻌﻨﻲ ﻫﻮﻣﺎ ﻋﻄﺎﻭﻫﻢ ﻟﻴﻪ ﻭ %100 ﻫﻮﻣﺎ ﻟﻲ ﻗﺎﻟﻮ ﻟﻴﻪ ﺳﻤﻴﺘﻲ ﻭﻣﻨﻴﻦ ﺟﺎﻱ .. ﺟﻤﻌﺖ ﺩﻳﻚ ﻟﻜﻮﺯﻳﻨﺎ ﻭﻧﻌﺴﺖ .. ﻟﻐﺪ ﻟﻴﻪ ﻓﻘﺖ ﻋﺎﺩﻱ ﻣﺸﻴﺖ ﻟﺨﺪﻣﺔ ﻟﻮﻗﻴﺘﺎ ﺩﻳﺎﻝ ﻟﻐﺪﺍ ﻣﺸﻴﺖ ﻋﻨﺪ ﺩﺍﺭ ﻟﻮﺍﻟﻴﺪ ﻧﺘﻐﺪﺍ ﻣﻌﺎﻫﻢ ﻣﺮﺍﺗﻮ ﻣﻊ ﺣﺎﻣﻼ ﻭﻻ ﻫﻮ ﻟﻲ ﻛﻴﻄﻴﺐ ﻣﻮﺍﻟﻒ ﻫﻮ ﻟﻲ ﻛﻴﻄﻴﺐ ﻟﻴﻬﻢ ﻓﻠﺤﺒﺲ ﻣﺎﻛﻠﺘﻮ ﻳﺘﻜﺎﻟﻮ ﻋﻠﻴﻬﺎ ﺻﺒﺎﻉ ﻛﻨﺖ ﻏﺎﻟﻂ ﻓﻴﻪ ﺑﻘﻴﺖ ﺑﺎﺭﻙ ﻣﻌﺎﻫﻢ ﺷﻮﻳﺎ ﺗﺎ ﻭﺻﻠﻨﻲ ﻟﺨﺪﻣﺔ ﻃﺮﻳﻖ ﻛﻠﻬﺎ ﻭﻫﻮ ﻛﻴﻌﺎﻭﺩﻟﻲ ﻋﻠﻰ ﻟﻤﻐﺎﻣﺮﺍﺕ ﺩﻳﺎﻟﻮ ﻓﻠﺤﺒﺲ ﻟﻲ ﻣﺰﺍﻝ ﺣﺘﺎﻝ ﺩﺑﺎ ﻣﻌﺎﺭﻓﻮﺵ ﻋﻼﺵ ﺩﺧﻞ ﻟﻴﻪ ﻛﻨﺴﻮﻟﻮ ﻛﻴﺒﻘﻰ ﻳﺘﻠﻔﻨﻲ ﺃﺍﺷﻴﻜﺎﺕ ﺃﺍ .. ﻟﻤﻬﻢ ﻓﻠﻌﺸﻴﺎ ﻓﺎﺵ ﺧﺮﺟﺖ ﻣﺸﻴﺖ ﻟﺪﺍﺭ ﻋﻨﺪ ﻟﻮﺍﻟﻴﺪﺓ ﺑﺎﺵ ﻧﻜﻤﻞ ﺩﻳﻜﻮﺭ ﻟﺒﺎﺭﺡ ﻃﻴﺒﺎﺗﻠﻲ ﻭﻣﺸﺎﺕ ﻣﺪﻭﻳﻨﺎﺵ .. ﻟﻤﻬﻢ ﺩﺧﻠﺖ ﻣﻠﻘﻴﺘﻬﺎﺵ ﻟﻘﻴﺖ ﻏﻴﺮ ﺑﻨﺎﺕ ﺭﺍﺟﻠﻬﺎ ﺑﻐﻴﺖ ﻧﺒﻘﻰ ﻧﺘﺴﻨﺎ ﻋﻠﻰ ﺑﺮﻯ ﺑﻘﺎﻭ ﻛﻴﺤﻠﻔﻮ ﻋﻠﻴﺎ ﺻﻮﺍﺍﺏ ﺯﻋﻤﺎ ﺩﺧﻠﺖ ﺑﺎﺭﻙ ﺣﻄﻮ ﺃﺗﺎﻱ ﻟﺤﻠﻮﺓ ﺧﺒﺰ ﻭﺩﺍﻛﺸﻲ ﺟﺎﺕ ﻓﻠﻮﻗﻴﺘﺎ ﺩﻳﺎﻝ ﻟﻌﺸﻴﺎ ﻛﻠﻴﻴﻴﺖ ﻋﺎﺩ ﺟﺒﺪﺕ ﻧﻌﻴﻂ ﻋﻠﻰ ﻟﻮﺍﻟﻴﺪﺓ ﻧﺴﻮﻟﻬﺎ ﻓﻴﻦ ﻫﻮﻣﺎ ﻭﻫﻴﺎ ﺗﻘﻮﻟﻴﺎ ﺑﻨﺘﻮ ﻟﻜﺒﻴﺮﺓ ﺭﺍﻩ ﻏﻴﻜﻮﻧﻮ ﻓﺼﺒﻴﻄﺎﺭ ﻣﻮﺣﺎﻝ ﻭﺍﺵ ﺗﻘﺪﺭ ﺗﺠﺎﻭﺑﻚ ﻏﻴﺮ ﺻﺒﺮ .. ﻗﻠﺖ ﻟﻴﻬﺎ ﺃﻩ ﻭﺧﺎ ﺑﻼﺗﻲ ﻛﻴﻔﺎﺵ ﺻﺒﻴﻄﺎﺭ ﺷﻨﻮ ﻭﺍﻗﻊ؟؟ ﻗﺎﻟﺘﻠﻲ ﻭﺍﻟﻮ ﺑﺎﺱ ﻏﻴﺮ ﺭﺍﻙ ﻋﺎﺭﻑ ﻟﻘﺪﻳﺔ ﺩﻳﺎﻝ ﻟﻮﻻﺩﺓ .. ﻭﻫﻴﺎ ﺗﻨﻐﺰﻫﺎ ﺧﺘﻬﺎ ﺑﺎﺵ ﺗﺴﻜﺖ ﻣﻔﻬﻤﺖ ﻭﺍﻟﻮ ﺑﻼﺗﻲ ﻛﻴﻔﺎﺵ ﻳﻜﻤﺎ ﺗﺎﻫﻴﺎ ﺣﺎﻣﻼ؟؟ ﻗﺎﻟﺖ ﻟﻴﺎ ﻭﺍﻻ ﺑﺎﻟﻌﻜﺲ ﺭﺍﻩ ﻣﺸﺎﻭ ﻻﺵ ﻳﻌﺮﻓﻮ ﻟﻤﺸﻜﻞ ﻟﻲ ﻋﻨﺪﻫﺎ ﻣﻨﺎﺵ ﻭﺍﺵ ﻛﻴﺘﻌﺎﻟﺞ .. ﺑﻘﻴﺖ ﻏﻴﺮ ﻛﻨﺸﻮﻑ ﻛﻴﻔﺎﺵ ﺳﻴﺪﺓ ﻭﺍﻟﺪﺍ ﻏﻮﻝ ﻗﺪﻭ ﻗﺪﺍﺵ ﻭﻛﺘﻘﻮﻟﻴﺎ ﻋﻨﺪﻫﺎ ﻣﺸﻜﻞ .. ﻣﺰﺍﻝ ﻣﺴﻜﺘﻨﺎﺵ ﻭﻫﻮﻣﺎ ﻳﺤﻠﻮ ﻟﺒﺎﺏ ﺩﺧﻠﻮ ﻭﻗﻔﺖ ﻟﻌﻨﺪﻫﻢ ﺷﺪﻳﺖ ﻟﻴﻬﺎ ﺻﺎﻙ ﻳﺎﻙ ﻣﺎﻛﻴﻦ ﺑﺎﺱ ﻋﻨﺪﻙ ﺷﻨﻮ ﻭﺍﻗﻊ؟ ﺳﻴﺪﺓ ﺑﺪﺍﺕ ﻛﺘﻤﺘﻢ ﻭﺍﻟﻮ ﻏﻴﺮ ﻋﻤﻚ ( ﺭﺍﺟﻠﻬﺎ ) ﻣﺮﻳﺾ ﺷﻮﻳﺎ ﻭﻣﺸﻴﻨﺎ ﻧﺸﻮﻓﻮ ﻃﺒﻴﺐ ﻭﻟﻜﻦ ﻣﻌﻨﺪﻭ ﻭﺍﻟﻮ ﻏﻴﺮ ﺷﻮﻳﺎ ﺩﻟﺒﺮﺩ ﻭﺻﺎﻓﻲ .. ﺑﻘﻴﺖ ﻛﻨﺸﻮﻭﻭﻑ ﻓﻴﻬﺎ ﻋﻼﺵ ﻛﺘﻜﺪﺑﻲ ﻟﺒﻨﺖ ﻳﻼﻩ ﻗﺎﻟﺖ ﻟﻴﺎ ﺑﻠﻲ ﻣﺸﻴﺘﻮ ﻋﻠﻰ ﻭﺩﻙ ﻧﺘﻲ ﻭﻟﻤﺸﻜﻞ ﻟﻲ ﻋﻨﺪﻙ؟ ﻗﻠﺒﺘﻬﺎ ﺿﺤﻚ ﻗﺎﻟﺘﻠﻲ ﻏﻴﺮ ﺷﻲ ﻫﻀﺮﺓ ﻓﻴﻬﺎ ﻗﻠﺔ ﻟﺤﻴﺎ ﻣﺠﺎﺗﺶ ﻧﺪﻭﻱ ﻣﻌﺎﻙ ﻓﻴﻬﺎ .. ﻗﻠﺖ ﻟﻴﻬﺎ ﻭﺧﺎ ﻣﻨﺒﻌﺪ ﻭﻧﺠﻲ ﺗﺎﻧﻲ ﻭﺧﺮﺟﺖ ﺳﻮﻟﺖ ﻋﻠﻰ ﺻﺒﻴﻄﺎﺭ ﻓﻴﻦ ﻛﺎﻳﻦ ﻣﺸﻴﺖ ﻟﻴﻪ ﺳﻮﻟﺖ ﻭﺍﺵ ﻛﻴﻦ ﺷﻲ ﻃﺒﻴﺐ ﻋﻨﺪﻭ ﺩﺍﻙ ﺗﺨﺼﺺ ﺗﻤﺎ ﻧﻌﺘﻮﻟﻲ ﻟﻌﻴﺎﺩﺓ ﺩﻳﺎﻝ ﻭﺍﺣﺪ ﻃﺒﻴﺒﺔ ﺧﺘﺼﺎﺻﻴﺔ ﺩﻷﻣﺮﺍﺽ ﺩﻟﺨﺼﻮﺑﺔ ﻭﻟﻌﻘﻢ ﻭﺩﺍﻛﺸﻲ ﻣﺸﻴﺖ ﻟﻌﻨﺪﻫﺎ ﻟﻘﻴﺖ ﺳﻴﺪ ﻟﻲ ﻛﻴﺎﺧﺪﻭ ﻣﻦ ﻋﻨﺪﻭ ﻟﻤﻮﺍﻋﻴﺪ ﺳﻮﻟﻨﻲ ﻭﺍﺵ ﺩﻳﺠﺎ ﻭﺍﺧﺪ ﻣﻮﻋﺪ ﻭﺃﻧﺎ ﻧﺠﺒﺪ ﻟﺒﺰﻃﺎﻡ ﺟﺒﺪﺕ ﻟﻜﺎﺭﻁ ﺩﺭﺕ ﺗﺤﺘﻬﺎ 100 ﺩﺭﻫﻢ ﻭﻣﺪﻳﺘﻬﺎ ﻟﻴﻪ ﻗﻠﺖ ﻟﻴﻪ ﻟﻮﺍﻟﻴﺪﺓ ﻛﺘﺪﻭﺯ ﻫﻨﺎ ﻭﺧﺎﻳﻒ ﻻ ﺗﻜﻮﻥ ﻋﻨﺪﻫﺎ ﺷﻲ ﺣﺎﺟﺔ ﻭﻣﺨﺒﻴﺎ ﻋﻠﻴﺎ ﻣﻜﺮﻫﺘﺶ ﺗﺄﻛﺪ ﻟﻴﺎ ﻭﻫﺎﺩﻱ ﺣﻼﻭﺗﻚ .. ﻃﻠﻊ ﻭﻫﺒﻂ ﻓﻴﺎ ﻛﻴﺤﺴﺎﺑﻠﻲ ﻏﺎﺩﻱ ﻳﺸﻴﺮ ﻋﻠﻴﺎ ﺑﻴﻬﺎ ﻭﻫﻮ ﻳﻀﺮﺑﻬﺎ ﻓﻮﺍﺣﺪ ﻟﻜﺘﺎﺏ ﺳﻮﻟﻨﻲ ﺷﻨﻮ ﺳﻤﻴﺘﻬﺎ ﻗﻠﺖ ﻟﻴﻪ ﺳﻤﻴﺘﻬﺎ ﻛﺘﺒﻬﺎ ﻓﺪﺍﻙ ﻟﺒﻴﺴﻲ ﻗﺪﺍﻣﻮ ﻗﺎﻟﻴﺎ ﺃﻩ ﺳﻴﺪﺓ ﻣﺘﺒﻌﺎ ﻋﻨﺪﻧﺎ ﻫﻨﺎ ﻳﻼﻩ ﻟﻘﻴﺘﻴﻬﺎ ﺧﺮﺟﺎﺕ ﺷﻲ ﺳﺎﻋﺔ ﻭﻧﺺ ﺩﺑﺎ .. ﺳﻮﻟﺘﻮ ﻭﺍﺵ ﻃﺒﻴﺒﺔ ﻛﻴﻨﺔ ﻗﺎﻟﻴﺎ ﺃﻩ ﻣﺪﻳﺖ ﻟﻴﻪ 100 ﺃﺧﺮﻯ ﺑﻐﻴﺖ ﻧﺪﺧﻞ ﻋﻨﺪﻫﺎ ﻭﻫﻮ ﻳﻀﺮﺑﻬﺎ ﻓﺪﺍﻙ ﻟﻜﺘﺎﺏ ﺗﺎﻧﻲ ﻣﻌﺮﻓﺘﺶ ﺷﻨﻮ ﺧﺮﺑﻖ ﻓﺪﺍﻙ ﻟﺒﻴﺴﻲ ﻗﺎﻟﻴﺎ ﺑﺮﻙ ﻓﻮﻕ ﺩﻭﻙ ﻟﻜﺮﺍﺳﻲ ﻏﻴﺮ ﻳﺨﺮﺟﻮ ﻧﺎﺱ ﻟﻲ ﺩﺍﺧﻠﻴﻦ ﺩﺧﻞ ﻧﺘﺎ ﻗﺒﻞ ﻣﺎ ﺗﺨﺮﺝ ﻃﺒﻴﺒﺔ ﺩﻳﻚ ﺳﺎﻋﺔ ﻣﻨﻚ ﻟﻴﻬﺎ .. ﺩﺍﻛﺸﻲ ﻟﻲ ﺩﺭﺕ ﺭﻳﺤﺖ ﺷﺪﻳﺖ ﺗﻴﻠﻴﻔﻮﻥ ﻟﻮﺍﻟﻴﺪﺓ ﻣﻌﻴﻄﺎﻟﻲ ﺷﻲ 10 ﻟﻤﺮﺍﺕ ﺩﺭﺕ ﺭﺍﺳﻲ ﻣﺸﻔﺘﻬﻤﺶ ﻏﻴﺮ ﺩﺭﺕ ﺗﻴﻠﻴﻔﻮﻥ ﻓﺠﻴﺒﻲ ﻭﻫﻮﻣﺎ ﻳﺨﺮﺟﻮ ﻧﺎﺱ ﻟﻲ ﻛﺎﻧﻮ ﺩﺍﺧﻠﻴﻦ ﻋﻨﺪﻫﺎ ﻭﻗﻔﺖ ﺃﻧﺎ ﺣﻠﻴﺖ ﻟﺒﺎﺏ ﻭﺩﺧﻠﺖ ﻣﻊ ﺗﺨﺮﺑﻴﻘﺔ ﻭﻷﺩﺭﻳﻨﺎﻟﻴﻦ ﺗﺎ ﺩﻗﺎﻥ ﻣﺪﻗﻴﺘﺶ ﻟﻘﻴﺖ ﺳﻴﺪﺓ ﻛﺘﺠﻤﻊ ﻓﺼﺎﻛﻬﺎ ﺷﺎﻓﺖ ﻓﻴﺎ ﻗﺎﻟﺘﻠﻲ ﻳﺤﺴﺎﺑﻠﻲ ﻫﺎﺩ ﻧﺎﺱ ﻫﻮﻣﺎ ﺃﺧﺮ ﻭﺣﺪﻳﻦ ﻟﻴﻮﻡ ﺩﺧﻞ ﺑﺮﻙ .. ﺭﻳﺤﺖ ﻣﻌﺮﻓﺘﺶ ﺷﻨﻮ ﻧﻘﻮﻝ ﻗﺎﻟﺖ ﻟﻴﺎ ﻣﺘﺤﺸﻤﺶ ﻏﻴﺮ ﻗﻮﻟﻴﺎ ﻟﻤﺸﻜﻞ ﻛﻠﺸﻲ ﻋﻨﺪﻭ ﺣﻞ ﻭﺍﺵ ﻟﺤﺠﻢ؟ ﻭﺃﻧﺎ ﻧﺸﻮﻑ ﻓﻴﻬﺎ ﺗﺨﻠﻌﺖ ﺃﻧﺎ ﺗﺰﻋﺰﻋﺖ ﺗﻲ ﺃﺷﻤﻦ ﺣﺠﻢ ﻟﻠﻪ ﻳﻘﻠﻞ ﺣﻴﺎﻙ .. ﺩﺧﻠﺘﻬﺎ ﺑﺼﻮﺍﺏ ﻟﻮﺍﻟﻴﺪﺓ ﻣﺮﻳﻀﺔ ﻭﻣﺘﺒﻌﺎ ﻋﻨﺪﻙ ﻭﻧﻘﺪﺭ ﻧﻌﺎﻭﻧﻬﺎ ﺑﻔﻠﻮﺱ ﻭﻟﻜﻦ ﻫﻨﺎ ﻣﺨﺒﻴﺎ ﻋﻠﻴﺎ ﻫﺎﺩﺷﻲ ﻣﻜﺮﻫﺘﺶ ﻛﻮﻥ ﺗﻌﻄﻴﻨﻲ ﻏﻴﺮ ﺷﻲ ﻣﻌﻠﻮﻣﺔ ﺻﻐﻴﺮﺓ ﺑﺎﺵ ﻧﻘﻨﻌﻬﺎ ﻟﻔﻠﻮﺱ ﻣﺎﺷﻲ ﻣﺸﻜﻞ .. ﻭﻛﻨﻤﺴﺢ ﻓﺪﻣﻮﻉ ﺯﻋﻤﺎ ﺳﻴﺪﺓ ﻭﻫﻴﺎ ﺗﺤﻞ ﻗﺎﻟﺖ ﻟﻴﺎ ﻟﻠﻪ ﻳﺮﺿﻲ ﻋﻠﻴﻚ ﻫﻜﺪﺍ ﻟﻮﻻﺩ ﻟﻲ ﻣﺪﺍﺑﺰﻳﻦ ﻫﻨﺎ ﺑﺎﺵ ﻳﺘﺰﺍﺩﻭ ﻓﻜﺮﻧﻲ ﻓﺴﻤﻴﺖ ﻟﻮﺍﻟﺪﺓ ﺩﻳﺎﻟﻚ .. ﻋﻄﻴﺘﻬﺎ ﺳﻤﻴﺘﻬﺎ ﻭﻫﻴﺎ ﺗﺒﺪﺍ ﺗﻘﻠﺐ ﻓﺸﻲ ﻭﺭﺍﻕ ﻭﻫﻴﺎ ﺗﺸﺪ ﻭﺍﺣﺪ ﺿﻮﺳﻲ ﺑﻘﺎﺕ ﻛﺘﻘﻠﺐ ﻓﻠﻮﺭﺍﻕ ﻭﻛﺘﻌﺎﻭﺩ ﻗﺎﻟﺖ ﻟﻴﺎ ﻛﻴﻔﺎﺵ ﻛﺘﻘﻮﻟﻴﺎ ﻟﻮﺍﻟﻴﺪﺓ ﺩﻳﺎﻟﻚ ﻭﺳﻴﺪﺓ ﺗﺰﺍﺩﺕ ﻓﺼﻐﺮﻫﺎ ﻣﺘﻘﺪﺭﺵ ﺗﻮﻟﺪ؟؟ ﺑﻘﻴﺖ ﻛﻨﺸﻮﻭﻑ ﻓﻴﻬﺎ ﻭﺍﺵ ﻣﺘﺄﻛﺪﺓ؟ ﺑﻘﺎﺕ ﻛﺘﺪﻭﺭ ﻓﻠﻮﺭﺍﻕ ﻗﺎﻟﺖ ﻟﻴﺎ ﻣﺴﺘﺤﻴﻞ ﻛﻮﻥ ﻛﺎﻧﺖ ﻭﺍﻟﺪﺍ ﻛﻨﺖ ﺃﻧﺎ ﻟﻮﻻ .. ﺣﻴﺪﺍﺕ ﻧﻀﻴﻀﺮﺍﺗﻬﺎ ﻗﺎﻟﺖ ﻟﻴﺎ ﻣﺘﺨﻠﻴﻨﻴﺶ ﻧﻨﺪﻡ ﺣﻴﺖ ﻭﺭﻳﺘﻚ ﻫﺎﺩﺷﻲ ﺳﻴﺮ ﻫﺰﻫﺎ ﻭﺧﺮﺟﻮ ﻟﺸﻲ ﺑﻼﺻﺔ ﺯﻭﻳﻨﺔ ﻭﺳﻤﻊ ﺷﻨﻮ ﻏﺘﻘﻮﻟﻴﻚ .. ﺧﻠﻴﺘﻬﺎ ﺩﺍﻭﻳﺎ ﻭﺧﺮﺟﺖ ﺷﺪﻳﺖ ﻃﺎﻛﺴﻲ ﺭﺍﺟﻊ ﻟﺪﺍﺭ ﻭﻛﻨﺤﺲ ﺑﺮﺍﺳﻲ ﻣﺮﻓﻮﻭﻭﻉ ﻣﻔﺎﻫﻢ ﻭﺍﻟﻮ ﺯﻋﻤﺎ ﻣﺮﺑﻴﻨﻲ ﺃﻭﻝ ﺣﺎﺟﺔ ﻃﺎﺣﺖ ﻓﺒﺎﻟﻲ ﻫﻴﺎ ﺳﻴﺪ ﻟﻲ ﺟﺎﻱ ﻋﻨﺪﻱ ﻣﻦ ﺃﺧﺮ ﺩﻧﻴﺎ ﺩﺍﺭﺗﻠﻲ ﻃﻨﻨﻦ ﻭﺍﺣﺪ ﺯﻭﺝ ﻛﻠﻤﺎﺕ ﻗﺎﻟﻬﻢ ﻗﺒﻞ ﻣﻴﺨﺮﺝ ﺑﻠﻲ ﻛﻴﻌﺮﻓﻨﻲ ﻛﺘﺮ ﻣﻜﻨﻌﺮﻑ ﺭﺍﺳﻲ .. ﻃﺎﻟﻊ ﻓﺪﺭﻭﺝ ﺩﻟﻌﻤﺎﺭﺓ ﻭﻛﻨﺘﺴﻨﺎ ﻧﻠﻘﺎ ﻟﻮﺍﻟﻴﺪﺓ ﻭﻟﻮﺍﻟﻴﺪ ﻟﻔﻮﻕ ﻳﻘﻮﻟﻮ ﻟﻴﺎ ﺑﻠﻲ ﻏﺎ ﻣﻄﻠﻌﻴﻨﻬﺎ ﻋﻠﻴﺎ ﻛﻤﺎ ﻛﺎﻧﻮ ﻣﻮﺍﻟﻔﻴﻦ ﺷﺤﺎﺍﻝ ﻫﺎﺩﻱ ﻭﻟﻜﻦ ﻭﺍﻟﻮ ﻫﺎﺩﺷﻲ ﺑﺼﺢ ﻏﺎﺩﻱ ﻧﺒﻘﻰ ﺗﻤﺎ ﻏﺎﺩﻱ ﺗﺠﻲ ﻫﻴﺎ ﻭﻻ ﻳﻤﻜﻦ ﻟﻮﺍﻟﻴﺪ ﺣﻴﺖ ﻳﻤﻜﻦ ﻋﻴﻄﺎﺗﻠﻴﻪ ﺩﺑﺎ ﻭﻏﺎﺩﻱ ﻳﻜﺪﺑﻮ ﻋﻠﻴﺎ ﺷﻲ ﻛﺪﺑﺔ ﺃﺧﺮﻯ ﺗﺎﻧﻲ ﻭﻟﻤﺸﻜﻞ ﺃﻧﺎ ﻣﺘﺄﻛﺪ ﺑﻠﻲ ﻏﺎﺩﻱ ﻧﺘﻴﻘﻬﻢ .. ﺟﻤﻌﺖ ﺷﻲ ﺣﻮﺍﻳﺞ ﻭ ﻭﺭﺍﻗﻴﺎ ﻓﺒﺎﻟﻴﺰﺗﻲ ﻭﺧﺮﺟﺖ ﺳﻴﺪ ﻟﻮﺣﻴﺪ ﻟﻲ ﻳﻤﻜﻦ ﻋﺎﺭﻑ ﺷﻲ ﺣﺎﺟﺔ ﻳﻤﻜﻦ ﻫﻮ ﻓﺒﻼﺩ ﺃﺧﺮﻯ ﺩﺑﺎ ﺃﻭﻝ ﺣﺎﺟﺔ ﺩﺭﺗﻬﺎ ﻣﻮﺭﺍ ﻣﺎ ﺧﺮﺟﺖ ﺣﻴﺪﺕ ﻛﺎﺭﻃﺘﻲ ﻟﻘﺪﻳﻤﺔ ﺿﺮﺑﺘﻬﺎ ﻓﺒﺰﻃﺎﻣﻲ ﺩﺭﺕ ﻭﺣﺪﺓ ﺟﺪﻳﺪﺓ ﻭ ﺻﻮﻧﻴﺖ ﻓﺪﻳﻚ ﻧﻤﺮﺓ ﻟﻲ ﻋﻄﺎﻧﻲ ﻃﻠﻌﺎﺕ ﺩﻳﺎﻝ ﺩﺍﺭﻭ ﺟﺎﻭﺑﺎﺗﻨﻲ ﻣﺮﺍﺗﻮ ﻏﻴﺮ ﻣﻦ ﻫﻀﺮﺗﻬﺎ ﺑﺎﻳﻦ ﻣﺨﺒﺎﺭﻫﺎﺵ ﺑﻠﻲ ﻣﺴﺎﻓﺮ ﻭﻣﻌﺎﺭﻓﺎﻫﺶ ﻓﻴﻦ ﻛﺎﻳﻦ ﻣﺒﻐﻴﺘﺶ ﻧﻔﺮﺷﻮ ﻗﻠﺖ ﻟﻴﻬﺎ ﻓﺎﺵ ﻳﺠﻲ ﻗﻮﻟﻲ ﻟﻴﻪ ﻳﻌﻴﻄﻠﻲ ﻓﻬﺎﺩ ﻧﻤﺮﺓ ﻗﺎﻟﺘﻠﻲ ﺃﻭﻛﻲ ﻭﻗﻄﻌﺎﺕ ﺩﺧﻠﺖ ﺃﻧﺎ ﻟﻮﺍﺣﺪ ﻟﻮﻃﻴﻞ ﺑﻼﻣﺎ ﻗﺎﺩﻳﺖ ﻭﺭﺍﻗﻴﺎ ﻏﺎﺩﻱ ﻧﻤﺸﻲ ﻟﻌﻨﺪﻭ ﻳﻤﻜﻦ ﻫﻮ ﻟﻲ ﻳﻘﺪﺭ ﻳﺸﺮﺣﻠﻲ ﺷﻨﻮ ﻭﺍﻗﻊ .. ( ﻳﺘﺒﻊ 3 k(
تعليقات
إرسال تعليق